കാര്‍ഷികനിയമം മേഖലയെ ദോഷകരമായി ബാധിക്കും -മന്ത്രി സുനില്‍കുമാര്‍

ഇടുക്കി: കേന്ദ്രസര്‍ക്കാര്‍ കൊണ്ടുവന്ന കാര്‍ഷിക നിയമങ്ങള്‍ മേഖലയെ ദോഷകരമായി ബാധിക്കുമെന്ന് മന്ത്രി വി.എസ്. സുനില്‍കുമാര്‍. മൂന്നാറില്‍ കര്‍ഷക അവാര്‍ഡ് ദാനം നിര്‍വഹിക്കുകയായിരുന്നു മന്ത്രി. കുരുമുളക്, ഏലം തുടങ്ങിയ മേഖലകളിൽ വിദേശ ഫണ്ട് നിക്ഷേപിക്കാന്‍ നേരിട്ട്​ അധികാരം നല്‍കുന്ന നയത്തിനാണ് കേന്ദ്രസര്‍ക്കാര്‍ അംഗീകാരം നല്‍കിയിട്ടുള്ളത്. ഇത് ചെറിയ കര്‍ഷകരെപ്പോലും ബാധിക്കും. സംസ്ഥാനതലത്തില്‍ ലഭിച്ച 11​ അവാര്‍ഡുകള്‍ക്ക് പുറമെ ജില്ലതല അവാര്‍ഡുകളും ചടങ്ങില്‍ വിതരണം ചെയ്​തു. മൂന്നാര്‍ ഗ്രാമപഞ്ചായത്ത് വൈസ് പ്രസിഡൻറ്​ മാര്‍ഷ് പീറ്റര്‍ അധ്യക്ഷത വഹിച്ചു. ഇടുക്കി പ്രിന്‍സിപ്പല്‍ കൃഷി ഓഫിസര്‍ സുലോചന, കൃഷി അഡിഷനല്‍ ഡയറക്​ടര്‍ മധു ജോര്‍ജ് മത്തായി, കൃഷി അസി. ഡയറക്​ടര്‍ എ. താഹ തുടങ്ങിയവര്‍ പങ്കെടുത്തു. ചിത്രം: മൂന്നാറില്‍ ജില്ല കര്‍ഷക അവാര്‍ഡ് ദാനം മന്ത്രി വി.എസ്. സുനില്‍കുമാര്‍ ഉദ്ഘാടനം ചെയ്യുന്നു