ദേശീയപാതയില്‍ നിറയെ മെറ്റൽ; അപകടം പതിവായി

ചെറുവാഹനങ്ങളാണ്​ കൂടുതലും അപകടത്തില്‍പെടുന്നത്​ അടിമാലി: വീതി കൂട്ടാൻ വിരിച്ച മെറ്റല്‍ റോഡില്‍ ചിതറിക്കിടക്കുന്നത്​ അപകടത്തിന്​ കാരണമാകുന്നു. കൊച്ചി-ധനുഷ്‌കോടി ദേശീയപാതയില്‍ അടിമാലി ചാറ്റുപാറ മുതല്‍ ഇരുമ്പുപാലം വരെ നടക്കുന്ന നിര്‍മാണമാണ് വാഹനയാത്രക്കാര്‍ക്ക് ഭീഷണിയാകുന്നത്​. ടാറിങ്​ ഇടം വർധിപ്പിക്കുകയെന്ന ലക്ഷ്യത്തോടെയാണ് റോഡി​ൻെറ ഇരുവശത്തും മെറ്റല്‍ വിരിക്കുന്നത്. എക്​സ്​കവേറ്റർ ഉപയോഗിച്ചാണ് ജോലി നടത്തുന്നതെങ്കിലും അലക്ഷ്യമായി വാരുകയും വിരിക്കുകയും ചെയ്യു​ന്നതിനാൽ ഭൂരിഭാഗം സ്ഥലങ്ങളിലും മെറ്റല്‍ റോഡില്‍ ചിതറിക്കിടക്കുകയാണ്​. പരാതി പറയുന്നവരെ കരാറുകാരും തൊഴിലാളികളും അധിക്ഷേപിക്കുകയും ആക്ഷേപിക്കുകയും ചെയ്യുന്നതായാണ്​ ആക്ഷേപം. ബൈക്ക്, ഓട്ടോ പോലുള്ള ചെറുവാഹനങ്ങള്‍ എന്നിവയാണ്​ കൂടുതലായും അപകടത്തില്‍പെടുന്നത്​. എസ്​റ്റിമേറ്റിന് വിരുദ്ധമായി ലാഭമുണ്ടാക്കുന്ന തരത്തില്‍ മെറ്റല്‍ വിരിക്കുന്നത്​ ആക്ഷേപത്തിന് ഇടയാക്കിയിട്ടുണ്ട്. നിര്‍മാണത്തിലെ അപാകതകള്‍ ചൂണ്ടിക്കാട്ടി നാട്ടുകാര്‍ പൊതുമരാമത്ത് മന്ത്രിക്ക് നിവേദനം നല്‍കി. അപകടം പെരുകിയിട്ടും പൊലീസ്​ വിഷയത്തില്‍ ഇടപെടാതെ മാറി നില്‍ക്കുകയാണ്. ചിത്രം..കൊച്ചി-ധനുഷ്‌കോടി ദേശീയപാതയില്‍ മച്ചിപ്ലാവില്‍ റോഡില്‍ മെറ്റല്‍ നിരന്നുകിടക്കുന്നു