ബാലസൗഹൃദ കേരളം പദ്ധതിക്ക്​ തുടക്കമായി

തൊടുപുഴ: സംസ്ഥാന ബാലാവകാശ സംരക്ഷണ കമീഷൻ, ജില്ല ശിശു സംരക്ഷണ യൂനിറ്റിൻെറ സഹകരണത്തോടെ ബാലസൗഹൃദ കേരളം പദ്ധതിയുടെ ജില്ലതല ഉദ്ഘാടനം നടന്നു. ഉടുമ്പന്നൂരിൽ മന്ത്രി എം.എം. മണി ഉദ്​ഘാടനം നിർവഹിച്ചു. സംസ്ഥാന ബാലാവകാശ സംരക്ഷണ കമീഷൻ ചെയർമാൻ കെ.വി. മനോജ്കുമാർ അധ്യക്ഷതവഹിച്ചു. പഞ്ചായത്ത് പ്രസിഡൻറ് എം. ലതീഷ് മുഖ്യപ്രഭാഷണം നിർവഹിച്ചു. പഞ്ചായത്ത് വൈസ്​ പ്രസിഡൻറ് ബിന്ദു രവീന്ദ്രൻ, ഇടുക്കി ചൈൽഡ് വെൽഫെയർ കമ്മിറ്റി ചെയർമാൻ ഡോ. ജോസഫ് അഗസ്​റ്റിൻ, പഞ്ചായത്ത് ക്ഷേമകാര്യ സ്​ഥിരം സമിതി ചെയർമാൻ ബീന രവീന്ദ്രൻ എന്നിവർ സംസാരിച്ചു. ജില്ലയിലെ സന്നദ്ധ സംഘടന പ്രവർത്തകർ, വിവിധ വകുപ്പ്​ ഉദ്യോഗസ്​ഥർ, സാമൂഹിക പ്രവർത്തകർ, കുട്ടികളുടെ പ്രതിനിധികൾ, അധ്യാപകർ തുടങ്ങിയവർക്ക്​ പരിശീലന പരിപാടികൾ നടന്നു. സംസ്ഥാന ബാലാവകാശ സംരക്ഷണ കമീഷൻ അംഗങ്ങളായ സി. വിജയകുമാർ, റെനി ആൻറണി, ജില്ല ചൈൽഡ് െപ്രാട്ടക്​ഷൻ ഓഫിസർ ജോമറ്റ് ജോർജ് എന്നിവർ ക്ലാസുകൾ എടുത്തു. സംസ്ഥാന ബാലാവകാശ സംരക്ഷണ കമീഷൻ അംഗം റെനി ആൻറണി സ്വാഗതവും ജില്ല ശിശു സംരക്ഷണ യൂനിറ്റ് സോഷ്യൽ വർക്കർ എഡ്ന ജോസ്​ നന്ദിയും പറഞ്ഞു. TDL DIST CHILD FRIENDLY ബാലസൗഹൃദ കേരളം പദ്ധതിയുടെ ജില്ലതല ഉദ്ഘാടനം ഉടുമ്പന്നൂരിൽ വൈദ്യുതി മന്ത്രി എം.എം. മണി നിർവഹിക്കുന്നു വൈദ്യുതി മുടങ്ങും നെടുങ്കണ്ടം: കുത്തുങ്കൽ 110 കെ.വി, സേനാപതി 33 കെ.വി എന്നീ സബ്സ്​റ്റേഷനുകൾ അറ്റകുറ്റപ്പണിക്കായി വ്യാഴാഴ്്്ച ഷട്ട് ഡൗൺ ആയതിനാൽ ഉടുമ്പൻചോല ഇലക്ട്രിക്കൽ സെക്​ഷൻ പരിധിയിൽ വരുന്ന പ്രദേശങ്ങളിൽ വ്യാഴാഴ്ച രാവിലെ 8.30 മുതൽ വൈകീട്ട്​ ആറുവരെ വൈദ്യുതി മുടങ്ങുമെന്ന്​ വൈദ്യുതി ബോർഡ്​ അധികൃതർ അറിയിച്ചു.