കാർഷിക മേഖലക്ക് ഉൗന്നൽ നൽകണം –കർഷക പ്രക്ഷോഭ ഐക്യദാർഢ്യ സമിതി

തൊടുപുഴ: സർക്കാറുകൾ കാർഷിക മേഖലക്ക് ഉൗന്നൽ കൊടുക്കണമെന്നും കർഷകരുടെ പ്രശ്നങ്ങൾ അനുഭാവപൂർവം പരിഗണിക്കണമെന്നും കർഷക പ്രക്ഷോഭ ഐക്യദാർഢ്യ സമിതി ആവശ്യപ്പെട്ടു. തൊടുപുഴ കർഷക സമര ഐക്യദാർഢ്യ കേന്ദ്രത്തിലെ 55ാം ദിന സമരം വൈസ്​ ചെയർമാൻ ടി.ജെ. പീറ്റർ ഉദ്ഘാടനം ചെയ്തു. എ.ഐ.കെ.കെ.എം.എസ്​ താലൂക്ക് കൺവീനർ പി.ജെ. മൈക്കിൾ അധ്യക്ഷത വഹിച്ചു. കെ.എം. സാബു, സിബി സി. മാത്യു, സെബാസ്​റ്റ്യൻ എബ്രഹാം, ജയിംസ്​ കോലാനി, മാത്യു ജേക്കബ് തുടങ്ങിയവർ സംസാരിച്ചു. TDL FARMERS STRIKE TJ PETER തൊടുപുഴ കർഷകപ്രക്ഷോഭ ഐക്യദാർഢ്യം 55ാം ദിന സമരം വൈസ്​ ചെയർമാൻ ടി.ജെ. പീറ്റർ ഉദ്ഘാടനം ചെയ്യുന്നു മൂന്നാറിലെ മാലിന്യം തള്ളൽ കണ്ടെത്താന്‍ ഇനി ​​ഡ്രോണും മൂന്നാര്‍: മൂന്നാറിലെ മാലിന്യം തള്ളലിനു​ പരിഹാരം കണ്ടെത്താന്‍ ഇനി ഡ്രോണും. ദേവികുളം സബ് കലക്ടര്‍ പ്രേംകൃഷ്ണയുടെ നേതൃത്വത്തില്‍ കൂടിയ യോഗത്തിലാണ് മൂന്നാര്‍, ദേവികുളം പഞ്ചായത്ത്​ നേതൃത്വത്തില്‍ ഡ്രോണ്‍ നിരീക്ഷണം ശക്തമാക്കാന്‍ തീരുമാനിച്ചത്. ലോക്​ഡൗണി​നെ തുടർന്ന്​ മുതിരപ്പുഴയിലെ മാലിന്യം അപ്രത്യക്ഷമായിരുന്നു. എന്നാല്‍, നിയന്ത്രണങ്ങളിൽ ഇളവ്​ വന്നതോടെ വ്യാപാര സ്ഥാപനങ്ങളിൽനിന്നും അറവുശാലകളില്‍നിന്നും വന്‍തോതിലാണ് മാലിന്യം പുഴയിലേക്ക് തള്ളുന്നത്. പ്രധാന വിനോദസഞ്ചാര മേഖലയായ മാട്ടുപ്പെട്ടി ഇക്കോ പോയൻറ്​, കുണ്ടള ഫോട്ടോ പോയൻറ്​, ടോപ് സ്​റ്റേഷന്‍ രാജമല അന്തര്‍സംസ്ഥാന-ദേശീയപാതകളിലും ഭക്ഷണം കഴിച്ചശേഷം പ്ലാസ്​റ്റിക്​ ഉൽപന്നങ്ങള്‍ ഉപേക്ഷിക്കുകയാണ്. പഞ്ചായത്ത്​ നേതൃത്വത്തില്‍ നിരീക്ഷണം നടത്തുന്നുണ്ടെങ്കിലും മാലിന്യം തള്ളുന്നവരെ കണ്ടെത്താന്‍ പലപ്പോഴും കഴിയുന്നില്ല. ഇത്തരം സാഹചര്യത്തിലാണ് സന്ദര്‍ശകര്‍ ഏറെയെത്തുന്ന ദിവസങ്ങളില്‍ ഡ്രോൺ സഹായത്തോടെ മാലിന്യം ഉപേക്ഷിക്കുന്നവരെ കണ്ടെത്തി പിഴയീടാക്കുകയാണ് ലക്ഷ്യം. മൂന്നാര്‍, ദേവികുളം പഞ്ചായത്ത്​ നേതൃത്വത്തിലായിരിക്കും നടപടികള്‍. ആദ്യഘട്ടമെന്ന നിലയില്‍ മൂന്നാറിലെ വ്യാപാരികൾ, ടൂര്‍ ഓപറേറ്റർമാർ, ഗൈഡുമാര്‍, ഓട്ടോ-ടാക്‌സി തൊഴിലാളികള്‍ എന്നിവർക്ക്​ ബോധവത്കരണം നടത്തും. മൂന്നാറി​ൻെറ പ്രധാന കവാടമായ പഴയമൂന്നാര്‍-പെരിയവ​ൈര കവല-പോസ്‌റ്റ്​ ഒാഫിസ് കവല എന്നിവിടങ്ങള്‍ കേന്ദ്രീകരിച്ച് സന്ദര്‍ശകര്‍ക്ക് നിര്‍ദേശം നല്‍കുകയും ചെയ്യും. കൂടാതെ ഹരിത കേരളം പദ്ധതിയുടെ ഭാഗമായി മൂന്നാറിലെ വ്യാപാര സ്ഥാപനങ്ങള്‍ കേന്ദ്രീകരിച്ചുള്ള സർവേ നടപടികള്‍ ആരംഭിച്ചിട്ടുണ്ട്. മാലിന്യം പൂര്‍ണതോതില്‍ സംസ്‌കരിക്കാതെ പുഴയിലേക്ക് ഒഴുക്കുന്നവരെ കണ്ടെത്തുന്നതിനും പരിഹാരം കണ്ടെത്തുന്നതിനുമാണ് സര്‍വേ ആരംഭിച്ചിരിക്കുന്നത്.