നന്മ കലാസാഹിത്യവേദി സംസ്ഥാന സമ്മേളനം

ചെറുതോണി: നന്മ കലാസാഹിത്യ വേദിയുടെ സംസ്ഥാന സമ്മേളനം 12, 13 തീയതികളിൽ കമ്പിളികണ്ടത്ത് നടക്കും. സിനി ആർട്ടിസ്​റ്റ്​ ചാലി പാലാ ഉദ്​ഘാടനം ചെയ്യും. 12ന് രാവിലെ 10ന് പതാക ഉയർത്തൽ. തുടർന്ന് രചന മത്സരങ്ങൾ. ഉച്ചക്ക്​ രണ്ടുമുതൽ പ്രതിനിധി സമ്മേളനം. 13ന് രാവിലെ ഒമ്പതിന് രജിസ്​േട്രഷൻ. തുടർന്ന് വാദ്യമേളങ്ങൾ, 10.30ന് സാംസ്​കാരിക സമ്മേളനം. സംസ്​ഥാന പ്രസിഡൻറ് മാത്യു കമ്പളികണ്ടത്തി​ൻെറ അധ്യക്ഷതയിൽ ചേരുന്ന യോഗത്തിൽ കലാ-കാർഷിക-ബിസിനസ്​-സാമൂഹിക രംഗങ്ങളിലെ പ്രതിഭകളെ റോഷി അഗസ്​റ്റിൻ എം.എൽ.എ ആദരിക്കും. പുഴയിലേക്ക് മറിഞ്ഞ കാറിൽനിന്ന്​ വിനോദ സഞ്ചാരികൾ രക്ഷപ്പെട്ടു മൂന്നാർ: മൂന്നാറിൽ വിനോദസഞ്ചാരത്തിനെത്തിയ കുടുംബം കാറടപകടത്തിൽനിന്ന്​ അത്ഭുതകരമായി രക്ഷപ്പെട്ടു. രാജസ്ഥാൻ സ്വദേശികളും തമിഴ്നാടിലെ ഈറോഡിൽ താമസിച്ച്​ വരുന്നതുമായ കുടുംബമാണ് നിസ്സാര പരിക്കുകളോടെ രക്ഷപ്പെട്ടത്. മൂന്നാർ-ഉദുമൽപേട്ട അന്തർ സംസ്ഥാന പാതയിൽ നയമക്കാട് എസ്​റ്റേറ്റ് ഭാഗത്ത് തിങ്കളാഴ്​ച ഉച്ചക്ക് ഒന്നരയോടെയാണ് സംഭവം. എതിരെ വന്ന വാഹനത്തിന് സൈഡ് കൊടുക്കുന്നതിനിടയിൽ നിയന്ത്രണംവിട്ട കാർ അപകടത്തിൽപ്പെടുകയായിരുന്നു. നാട്ടുകാരും പരിസരവാസികളുമാണ് അപകടത്തിൽപെട്ടവരെ ആശുപത്രിയിലെത്തിച്ചത്. അവിടെനിന്ന്​ മൂന്നാറിലെ സ്വകാര്യ ആശുപത്രിയിലെത്തിച്ച് പ്രാഥമിക ശുശ്രൂഷകൾ നൽകി വിട്ടയച്ചു. രണ്ടു കുട്ടികളും ഡ്രൈവറും ഉൾ​െപ്പടെ കാറിൽ ഏഴുപേരാണ് ഉണ്ടായിരുന്നത്. TDL ACCIDENT NEMAKKADU അപകടത്തിൽപ്പെട്ട കാർ