വനംവകുപ്പ്​ എൻ.ഒ.സി വൈകുന്നു; വികസന പ്രവർത്തനങ്ങൾ അവതാളത്തിൽ

പന്നിമറ്റം: വനം വകുപ്പി​ൻെറ എൻ.ഒ.സി ലഭിക്കാത്തതിനെ തുടർന്ന്​ ആദിവാസി മേഖലയുൾപ്പെടുന്ന പ്രദേശങ്ങളിലെ വികസന പ്രവർത്തനങ്ങൾക്ക്​ തടസ്സം ഉണ്ടാകുന്നതായി ആക്ഷേപം. വെള്ളിയാമറ്റം പഞ്ചായത്തിലെ പട്ടയരഹിത മേഖലകളായ പൂമാല, മേത്തൊട്ടി, കൂവക്കണ്ടം, നാളിയാനി, കുളപ്രം, പൂച്ചപ്ര, വാർഡുകളിൽ റോഡ്‌ വികസനത്തിന്​ പദ്ധതി തയാറാക്കി തുക നീക്കി​െവച്ച് വന​ം വകുപ്പി​ൻെറ അനുമതിക്കായി 2020 ജൂൺ മാസം അപേക്ഷ സമർപ്പിച്ചെ​ങ്കിലും അത്​ നഷ്​ടമാകുന്ന സാഹചര്യമാണ്​. ഒരു കോടിക്ക്​ മുകളിലുള്ള വികസന പ്രവർത്തനങ്ങളാണിത്​. അപേക്ഷ നൽകി എട്ടു മാസമായിട്ടും ഫോറസ്​റ്റ്​ എൻ.ഒ.സി ലഭിക്കാത്തതുമൂലം പ്രവർത്തി ടെൻഡർ ചെയ്യുന്നതിനോ നിർമാണം നടത്തുന്നതിനോ കഴിയാത്ത സ്ഥിതിയാണ്​. വെള്ളിയാമറ്റം ആദിവാസി മേഖലകളിലെ റോഡുകൾ പ്രളയാനന്തരം കാൽനടയാത്ര​ പോലും സാധ്യമല്ലാത്ത വിധം ദുഷ്​കരമാണ്​. ഈ മേഖലകളിൽ സ്ഥിരതാമസക്കാരായ സാധാരണ ജനങ്ങൾക്ക് അത്യാവശ്യമായി ആശുപത്രിയിൽ പോകുന്നതിനു പോലും കഴിയാത്ത സാഹചര്യമാണ്​. വനം വകുപ്പ് അധികാരികൾ വരുത്തിയ വീഴ്ച സാധാരണ ജനങ്ങളോടുള്ള വെല്ലുവിളിയാണെന്ന്​ വെള്ളിയാമറ്റം പഞ്ചായത്ത് ആരോഗ്യ വിദ്യാഭ്യാസ സ്ഥിരം സമിതി അധ്യക്ഷൻ മോഹൻ ദാസ് പുതുശ്ശേരി പറഞ്ഞു. കെ.പി.എം.എസ് ശാഖാസമ്മേളനം തൊടുപുഴ :കെ.പി.എം.എസ് തൊടുപുഴ യൂനിയന് കീഴിലുള്ള ശാഖ സമ്മേളനങ്ങൾ ഫെബ്രുവരി ഏഴ്​ മുതൽ 21വരെ നടക്കും. സമ്മേളനങ്ങൾ യൂനിയൻ, സംസ്ഥാന നേതാക്കൾ ഉദ്ഘാടനം ചെയ്യും. 7 ന് ഉടുമ്പന്നൂർ, ശാസ്താംപാറ, തലയനാട്, അറക്കുളം. 14 ന് കാഞ്ഞാർ, മുട്ടം, ഒളമറ്റം, പുള്ളിക്കാനം 21ന് മുള്ളരിങ്ങാട്, വെള്ളക്കയം, തുരുത്തിക്കലോടി, മുള്ളൻ കുത്തി ശാഖകളുടെയും വാർഷികങ്ങൾ നടക്കുെമന്ന് യൂനിയൻ സെക്രട്ടറി പ്രകാശ് തങ്കപ്പൻ അറിയിച്ചു.