യു.ഡി.എഫ് നേതൃയോഗം ബുധനാഴ്​ച

തൊടുപുഴ: പ്രതിപക്ഷ നേതാവ്​ രമേശ്​ ചെന്നിത്തല നയിക്കുന്ന ഐശ്വര്യകേരള യാത്രയുടെ മുന്നൊരുക്കങ്ങൾക്കായി യു.ഡി.എഫ് ജില്ല നേതൃയോഗം ബുധനാഴ്ച വൈകീട്ട്​ 3.30ന് തൊടുപുഴ മാതാഷോപ്പിങ്​ ആർക്കേഡിൽ നടക്കും. ജാഥാ കോഓഡിനേറ്റർ വി.ഡി സതീശൻ എം.എൽ.എ യോഗം ഉദ്ഘാടനം ചെയ്യും. യു.ഡി.എഫ് നിയോജകമണ്ഡലം ചെയർമാൻമാർ, കൺവീനർമാർ, ഘടകക്ഷികളുടേ സംസ്​ഥാന കമ്മിറ്റി അംഗങ്ങൾ, ജില്ല ഭാരവാഹികൾ നിയോജകമണ്ഡലം പ്രസിഡൻറുമാർ തുടങ്ങിയവർ യോഗത്തിൽ പങ്കെടുക്കണമെന്ന് യു.ഡി.എഫ്​ ജില്ല ചെയർമാൻ അഡ്വ. എസ്​. അശോകനും കൺവീനർ പ്രഫ. എം.ജെ. ജേക്കബും അറിയിച്ചു. കട്ടപ്പന-കുന്തളംപാറ റോഡ് നവീകരണം ആരംഭിച്ചു കട്ടപ്പന: സഞ്ചാരയോഗ്യമല്ലാതെ കിടന്ന കട്ടപ്പന മാര്‍ക്കറ്റ് ജങ്​ഷന്‍-വട്ടുകുന്നേല്‍പ്പടി -കുന്തമളംപാറ റോഡി​ൻെറ മെയിൻറനന്‍സ് ആരംഭിച്ചതായി റോഷി അഗസ്​റ്റിന്‍ എം.എൽ.എ അറിയിച്ചു. പൊതുമരാമത്ത് വകുപ്പി​ൻെറ കീഴിലുള്ള റോഡിന് വകുപ്പ്​ മന്ത്രിയോട് അഭ്യർഥിച്ചതനുസരിച്ച്​ 15 ലക്ഷം രൂപ അനുവദിച്ചു ടെന്‍ഡര്‍ നടപടി പൂര്‍ത്തിയാക്കിയാണ് നിര്‍മാണം ആരംഭിച്ചിട്ടുള്ളത്. 30 ദിവസത്തിനകം പൂര്‍ത്തീകരിക്കും. പ്രളയത്തെത്തുടര്‍ന്ന് സഞ്ചാരയോഗ്യമല്ലാതായി തീര്‍ന്ന നിയോജകമണ്ഡലത്തിലെ ഒട്ടുമിക്ക റോഡുകളുടെയും നവീകരണത്തിന് തുക അനുവദിച്ചിട്ടുള്ളതായും സമയബന്ധിതമായി നവീകരണം സാധ്യമാക്കുക എന്ന ലക്ഷ്യത്തോടെ തുടര്‍നടപടി സ്വീകരിച്ചുവരുകയാണെന്നും എം.എൽ.എ പറഞ്ഞു