വൻകിട തോട്ടങ്ങളിൽ പ്രതിസന്ധി

പീരുമേട്: പാമ്പനാറ്റിലെ വൻകിട തേയിലത്തോട്ടങ്ങളായ ബഥേൽ, പോബ്​സ്​ തോട്ടങ്ങളിലെ പ്രതിസന്ധി തൊഴിലാളികളെ ദുരിതത്തിലാക്കുന്നു. നിത്യവൃത്തിക്കുപോലും പണമില്ലാതെ തൊഴിലാളികൾ ക്ലേശിക്കുന്നു. ബഥേൽ തോട്ടത്തിൽ കഴിഞ്ഞ നാലുമാസമായി ശമ്പളവിതരണം മുടങ്ങിയ നിലയിലാണ്​. തൊഴിൽ വകുപ്പും ട്രേഡ് യൂനിയനും മാനേജ്മൻെറും ചർച്ചനടത്തി ശമ്പളം നൽകാമെന്ന് തീരുമാനമായെങ്കിലും വിതരണം നടത്തിയിട്ടില്ല. സർക്കാർ നൽകുന്ന സൗജന്യകിറ്റാണ് ഏക ആശ്രയം. വിദ്യാഭ്യാസ സ്ഥാപനങ്ങൾ തുറന്നതിനാൽ കുട്ടികളെ പഠനത്തിനയക്കാനും കുട്ടികളുടെ ബസ് കൂലി നൽകാനും രക്ഷിതാക്കൾ വിഷമിക്കുകയാണ്. തേയിലക്ക് ​െറ​േക്കാഡ് വില വിപണിയിൽ ലഭിക്കുമ്പോഴും ശമ്പളം നൽകാൻ സാധിക്കാത്തത് മാനേജ്മൻെറി​ൻെറ കെടുകാര്യസ്ഥതയാ​െണന്ന് തൊഴിലാളികൾ പറയുന്നു. പോബ്​സ്​ തോട്ടം ലോക്ക് ഔട്ട് ചെയ്തത് തൊഴിലാളികളെ പട്ടിണിയിലാക്കി. തോട്ടത്തിലെ മുൻ ഉടമയുടെ മാനേജർ 38 ഏക്കർ കൈവശപ്പെടുത്തിയതിലെ തർക്കമാണ് പോബ്സ് മാനേജ്മൻെറ് ലോക്ക്​ ഔട്ട് ചെയ്യാൻ കാരണം. ഇതി​ൻെറ തർക്കം കോടതിയിൽ എത്തുകയും കേസ് നടക്കുന്നതിനിടയിലാണ് തോട്ടം പൂട്ടിയത്. തൊഴിൽ പ്രശ്നങ്ങളില്ലാതെ നിയമവിരുദ്ധമായി തോട്ടം ലോക്ക് ഔട്ട് ചെയ്തിട്ടും തുറന്ന് പ്രവർത്തിപ്പിക്കാൻ തൊഴിൽ വകുപ്പിനും സാധിക്കുന്നില്ല. തോട്ടങ്ങളിലെ ശമ്പളവിതരണം മുടങ്ങിയത്​ പാമ്പനാറ്റിലെ വ്യാപാര സ്ഥാപനങ്ങളെ ബാധിച്ചു. പീരുമേട്ടിലെ ഏക ചന്തയായ പമ്പനാറ്റിലാണ് ചന്ത ദിവസമായ ഞായറാഴ്​ച തൊഴിലാളികൾ അവശ്യസാധനങ്ങൾ ഉൾപ്പെടെ വാങ്ങാൻ എത്തിയിരുന്നത്. നൂറുകണക്കിന് ആളുകൾ എത്തിയിരുന്ന ഞായാറാഴ്​ച ഇപ്പോൾ നാമമാത്രമായ ആളുകളാണ് എത്തുന്നത്. ഇത് കച്ചവട സ്ഥാപനങ്ങളെ പ്രതിസന്ധിയിലാക്കിയിട്ടുണ്ട്​.