വികസന രംഗത്ത് ജില്ലയില്‍ കുതിച്ചുചാട്ടം : മന്ത്രി എം.എം. മണി

ഇടുക്കി: വികസന രംഗത്ത് മികച്ച മുന്നേറ്റമാണ് ജില്ലക്കായി സര്‍ക്കാര്‍ കൊണ്ടുവന്നതെന്ന് മന്ത്രി എം.എം. മണി. നത്തുകല്ല് ശാന്തിഗ്രാം റോഡ് ഉദ്ഘാടനം ചെയ്യുകയായിരുന്നു അദ്ദേഹം. ഏഴു ചെയിന്‍ പ്രദേശത്ത് പട്ടയം കൊടുക്കേണ്ട നടപടികള്‍ ചെയ്​തിട്ടുണ്ട്. കല്ലാര്‍കുട്ടി, പൊന്മുടി ഡാമിനോടനുബന്ധിച്ചു പട്ടയം ലഭിക്കാനുള്ളവര്‍ക്ക് ഫയല്‍ നടപടികളും സ്വീകരിച്ചിട്ടുണ്ട്. ഈ സര്‍ക്കാറി​ൻെറ കാലത്ത്​ എം.എല്‍.എ ഫണ്ടില്‍ നിന്ന് 276 ലക്ഷം രൂപ ഇരട്ടയാര്‍ പഞ്ചായത്തില്‍ മാത്രം ചെലവഴിച്ചിട്ടുണ്ട്. ഇരട്ടയാര്‍ പഞ്ചായത്ത് പ്രസിഡൻറ്​ ജിന്‍സണ്‍ വര്‍ക്കി അധ്യക്ഷത വഹിച്ചു. എൽ.ഇ.ഡി ബള്‍ബുകളുടെ വിതരണ ഉദ്ഘാടനം മന്ത്രി ബ്ലോക്ക് പഞ്ചായത്ത് പ്രസിഡൻറ്​ ജോസുകുട്ടി കണ്ണമുണ്ടയിലിന് നല്‍കി നിര്‍വഹിച്ചു. ജില്ല പഞ്ചായത്ത് അംഗം കെ.ജി. സത്യന്‍, ബ്ലോക്ക് പഞ്ചായത്ത് അംഗം ലാലച്ചന്‍ വെള്ളക്കട, ഗ്രാമ പഞ്ചായത്ത് അംഗം ആനന്ത് സുനില്‍ കുമാര്‍, പി.ബി. ഷാജി തുടങ്ങി വിവിധ സാമൂഹ്യ രാഷ്​ട്രീയ പ്രതിനിധികള്‍ പങ്കെടുത്തു. ഫോട്ടോ: നത്തുകല്ല് ശാന്തിഗ്രാം റോഡ് ഉദ്ഘാടനം മന്ത്രി എം.എം. മണി നിര്‍വഹിക്കുന്നു ജില്ലയിൽ കോവിഡ് രോഗ ബാധിതർ 279 തൊടുപുഴ: വ്യാഴാഴ്​ച മാത്രം ജില്ലയില്‍ 279 പേര്‍ക്ക് കോവിഡ് 19 സ്ഥിരീകരിച്ചു. 263 പേർക്ക് സമ്പർക്കത്തിലൂടെയാണ് രോഗബാധയുണ്ടായത്. ഒരു ആരോഗ്യ പ്രവർത്തകനും ഇതര സംസ്​ഥാനക്കാരായ ആറു പേർക്കും രോഗം സ്​ഥിരീകരിച്ചു. ഉറവിടം വ്യക്തമല്ലാതെ ഒൻപത്​ കേസുകളാണുള്ളത്​. കേസുകള്‍ പഞ്ചായത്ത് തിരിച്ച്: അടിമാലി 9 ആലക്കോട് 2 അറക്കുളം 6 അയ്യപ്പന്‍കോവില്‍ 9 ചക്കുപള്ളം 2 ചിന്നക്കനാൽ 1 ഇടവെട്ടി 1 ഏലപ്പാറ 1 ഇരട്ടയാർ 2 കഞ്ഞിക്കുഴി 10 കാമാക്ഷി 1 കാഞ്ചിയാര്‍ 6 കരിമണ്ണൂര്‍ 14 കരിങ്കുന്നം 1 കരുണാപുരം 13 കട്ടപ്പന 17 കോടിക്കുളം 1 കൊക്കയാർ 1 കൊന്നത്തടി 6 കുടയത്തൂര്‍ 4 കുമാരമംഗലം 4 കുമളി 14 മണക്കാട് 5 മറയൂർ 1 മരിയാപുരം 3 മൂന്നാർ 1 നെടുങ്കണ്ടം 35 പള്ളിവാസൽ 1 പാമ്പാടുംപാറ 24 പെരുവന്താനം 21 പുറപ്പുഴ 8 രാജാക്കാട് 4 രാജകുമാരി 1 സേനാപതി 2 തൊടുപുഴ 19 ഉടുമ്പഞ്ചോല 5 ഉടുമ്പന്നൂർ 2 ഉപ്പുതറ 1 വണ്ടിപ്പെരിയാര്‍ 4 വണ്ണപ്പുറം 8 വാത്തിക്കുടി 1 വാഴത്തോപ്പ് 2 വെള്ളത്തൂവൽ 3 വെള്ളിയാമറ്റം 3. ഉറവിടം വ്യക്തമല്ലാത്തവ: വെള്ളത്തൂവൽ സ്വദേശിനി (24). കുടയത്തൂർ സ്വദേശിനി (23) വെള്ളിയാമറ്റം പൂച്ചപ്ര സ്വദേശി (36) നെടുങ്കണ്ടം സ്വദേശിനി (29) കുമാരമംഗലം സ്വദേശി (27) തൊടുപുഴ സ്വദേശി (45) രാജാക്കാട് സ്വദേശി (27) ഏലപ്പാറ സ്വദേശി (36) പെരുവന്താനം സ്വദേശി (32).