അടിസ്ഥാന പ്രശ്നപരിഹാരത്തിന്​ കൂട്ടായി പ്രയത്നിക്കണം – മാർ ജോൺ നെല്ലിക്കുന്നേൽ

ചെറുതോണി: ജനങ്ങളുടെ അടിസ്ഥാനപ്രശ്നങ്ങൾ പരിഹരിക്കാൻ രാഷ്​ട്രീയ പാർട്ടികൾ കൂട്ടായി പ്രയത്നിക്കണമെന്ന് ഇടുക്കി രൂപത അധ്യക്ഷൻ മാർ ജോൺ നെല്ലിക്കുന്നേൽ. രാജ്യതലസ്ഥാനത്ത് സമരം ചെയ്യുന്ന കർഷകർക്ക് ഐക്യദാർഢ്യം പ്രഖ്യാപിച്ചും ജില്ലയിലെ കർഷകരുടെ വിവിധങ്ങളായ പ്രശ്നങ്ങൾക്ക് പരിഹാരം കാണണമെന്ന്​ ആവശ്യപ്പെട്ടും ചെറുതോണിയിൽ കെ.സി.വൈ.എം ഇടുക്കി രൂപത സമിതി ആഭിമുഖ്യത്തിൽ നടന്ന ഉപവാസ സത്യഗ്രഹ സമരത്തിൻെറ സമാപന സമ്മേളനം ഉദ്ഘാടനം ചെയ്യുകയായിരുന്നു അദ്ദേഹം. കെ.സി.വൈ.എം രൂപത പ്രസിഡൻറ് ടോമിൻ അഗസ്​റ്റിൻ അധ്യക്ഷത വഹിച്ചു. മുൻ എം.പി അഡ്വ. കെ. ഫ്രാൻസിസ്​ ജോർജ് മുഖ്യപ്രഭാഷണം നടത്തി. കെ.സി.വൈ.എം ഡയറക്ടർ ഫാ. മാത്യു ഞവരക്കാട്ട്, ഫാ. സെബാസ്​റ്റ്യൻ കൊച്ചുപുരക്കൽ, എ.കെ.സി.സി ഗ്ലോബൽ പ്രസിഡൻറ് ജോർജ് കോയിക്കൽ, ഫാ. ജോസഫ് പാലേക്കുടിയിൽ, ഫാ. ജിൻസ്​ കാരക്കാട്ട്, അലക്സ്​ തോമസ്​, ഡോണ ടോണി തുടങ്ങിയവർ സംസാരിച്ചു. വിവിധ സാമൂഹിക, രാഷ്​ട്രീയ നേതാക്കൾ വേദിയിലെത്തി ഐക്യദാർഢ്യം അറിയിച്ചു. TDL KCYM UPAVASOM കെ.സി.വൈ.എം ഇടുക്കി രൂപത സമിതി ആഭിമുഖ്യത്തിൽ ചെറുതോണിയിൽ നടത്തിയ ഉപവാസ സത്യഗ്രഹ സമരത്തിൻെറ സമാപന സമ്മേളനം ഇടുക്കി രൂപത മെത്രാൻ മാർ ജോൺ നെല്ലിക്കുന്നേൽ ഉദ്ഘാടനം ചെയ്യുന്നു