പൂട്ടിക്കിടക്കുന്നത് നാല് തേയിലത്തോട്ടം​; പ്രഖ്യാപനത്തിൽ പ്രതീക്ഷയർപ്പിച്ച്​ തൊഴിലാളികൾ

20 വർഷമായി പൂട്ടികിടക്കുന്നു കട്ടപ്പന: പീരുമേട്ടിൽ 20 വർഷമായി പൂട്ടിക്കിടക്കുന്നത് നാല് തേയിലത്തോട്ടങ്ങൾ, തുറക്കുമെന്ന സർക്കാർ പ്രഖ്യാപനത്തിൽ പ്രതീക്ഷയർപ്പിച്ച്​ 2000ലേറെ തൊഴിലാളികൾ. പീരുമേട് ടീ കമ്പനിയുടെ ചീന്തലാർ, ലോൺട്രി എം.എം.ജെ പ്ലാ​േൻറഷ​ൻെറ കോട്ടമല, ബോണാമി എന്നീ എസ്​റ്റേറ്റുകളാണ് കഴിഞ്ഞ 20 വർഷമായി പീരുമേട് താലൂക്കിൽ പൂടക്കുട്ടിക്കിടക്കുന്നത്. സംസ്ഥാന സർക്കാറി​ൻെറ പുതിയ പ്ലാ​േൻറഷൻ നയത്തിലെ പ്രഖ്യാപനമനുസരിച്ച്​ പൂട്ടിക്കിടക്കുന്ന തോട്ടങ്ങൾ മുഴുവൻ തുറക്കുമെന്നാണ് പ്രഖ്യാപനം. ഇടതുപക്ഷ സർക്കാർ അധികാരത്തിലെത്തിയ ശേഷം പൂട്ടിയ മുഴുവൻ തോട്ടങ്ങളും തുറക്കുമെന്ന് പറഞ്ഞിരുന്നു. 2018 നവംബർ 22 തൊഴിൽ മന്ത്രി ടി.പി. രാമകൃഷ്ണ​ൻെറ അധ്യക്ഷതയിൽ സെക്ര​േട്ടറിയറ്റ് സൗത്ത് കോൺഫറൻസ് ഹാളിൽ ചേർന്ന യോഗത്തിലാണ് തോട്ടങ്ങൾ തുറക്കാൻ തീരുമാനമെടുത്തത്. 2019 ജനുവരിയിൽ തോട്ടങ്ങൾ തുറക്കാൻ തീരുമാനിച്ചിരുന്നെങ്കിലും ചില കാരണങ്ങളാൽ നടപ്പാക്കാൻ വൈകി. തൊഴിൽ മന്ത്രി ടി.പി. രാമകൃഷ്ണ​ൻെറ അധ്യക്ഷതയിൽ എം.എൽ.എമാരായ ഇ.എസ്. ബിജിമോള്‍, കെ.എസ്. ശബരീനാഥ്, വകുപ്പ് അഡീഷനല്‍ ചീഫ് സെക്രട്ടറി ഡോ. ആഷാ തോമസ്, ലേബര്‍ കമീഷണര്‍ എ. അലക്‌സാണ്ടര്‍, അഡീഷനല്‍ ലേബര്‍ കമീഷണര്‍ എസ്. തുളസീധരന്‍, ചീഫ് ഇന്‍സ്‌പെക്ടര്‍ ഓഫ് പ്ലാ​േൻറഷന്‍സ്, എറണാകുളം റീജനല്‍ ജോയൻറ്​ ലേബര്‍ കമീഷണര്‍, ജില്ല ലേബര്‍ ഓഫിസര്‍മാർ, തോട്ടം ഉടമകൾ, എല്ലാ തൊഴിലാളി സംഘടനകളുടെയും നേതാക്കൾ എന്നിവരടങ്ങുന്ന ഉന്നതതല യോഗത്തിലാണ് ഇത് സംബന്ധിച്ചുള്ള തീരുമാനങ്ങളെടുത്തത്. തോട്ടം ഉടമകൾ, ചീഫ് ഇന്‍സ്‌പെക്ടര്‍ ഓഫ് പ്ലാ​േൻറഷന്‍സുമായി ചര്‍ച്ച ചെയ്ത് ഒരു മാസത്തിനുള്ളില്‍ സര്‍ക്കാറിന് പദ്ധതി നൽകാൻ യോഗത്തിൽ ധാരണയായിരുന്നു. തൊഴിലാളി സംഘടനകള്‍ സ്ഥലം എം.എല്‍.എയുടെ സാന്നിധ്യത്തില്‍ യോഗം ചേര്‍ന്ന് ലഭിക്കാനുള്ള ആനുകൂല്യം സംബന്ധിച്ച പദ്ധതി തയാറാക്കി ഒരുമാസത്തിനുള്ളില്‍ സര്‍ക്കാറിന്​ സമര്‍പ്പിക്കാനും നിർദേശിച്ചിരുന്നു. സാമ്പത്തിക സഹായം ഉൾപ്പെടെ സർക്കാർ ഇടപെടേണ്ട കാര്യങ്ങളിൽ വ്യക്തമായ റിപ്പോർട്ട് തയാറാക്കാൻ ഉദ്യോഗസ്ഥരെ ചുമതലപ്പെടുത്തുകയും ചെയ്തിരുന്നു. എന്നാൽ, ഇക്കാര്യങ്ങളോട് തൊഴിലാളി സംഘടനകൾ എത്രത്തോളം സഹകരിക്കുമെന്ന് കണ്ടറിയണം. TDL PEERUMEDU TEA FACTORY പീരുമേട്​ ടീ കമ്പനിയുടെ ചീന്തലാർ തേയില ഫാക്​ടറി- (ഫയൽ ചിത്രം)