പഴയവിടുതി ഹരിത വിദ്യാലയത്തിന് സര്‍ക്കാറിെൻറ ഗ്രീന്‍ സര്‍ട്ടിഫിക്കറ്റ്

പഴയവിടുതി ഹരിത വിദ്യാലയത്തിന് സര്‍ക്കാറിൻെറ ഗ്രീന്‍ സര്‍ട്ടിഫിക്കറ്റ് ഇടുക്കി: രാജക്കാട് പഴയവിടുതി സ്‌കൂളി​ൻെറ ഹരിത മികവിന് സര്‍ക്കാറിൻെറ നൂറുമേനി അംഗീകാരം. ഗ്രാമപഞ്ചായത്തില്‍ ഹരിത ഓഡിറ്റ് നടത്തിയ 44 സര്‍ക്കാര്‍-പൊതുമേഖലാ സ്ഥാപനങ്ങളില്‍ നൂറുശതമാനം സ്‌കോര്‍ നേടിയ ഏക സ്ഥാപനമാണ് ഈ സ്‌കൂള്‍. രണ്ടരയേക്കറോളം സ്ഥലം സ്വന്തമായുള്ള സ്‌കൂളില്‍ ഹരിതമല്ലാതെ മറ്റൊന്നുമില്ല. വൃത്തിയുള്ള ക്ലാസ് മുറികള്‍, നാല് ശുചിമുറി ഉള്‍പ്പെട്ട സാനിറ്ററി കോംപ്ലക്‌സ്, ഉറവിടത്തില്‍ത്തന്നെ ഭക്ഷണാവശിഷ്​ടങ്ങളും മറ്റും സംസ്‌കരിക്കുന്നതിന് പഞ്ചായത്ത് നല്‍കിയ റിങ്​ കമ്പോസ്​റ്റ്​, ഇതില്‍നിന്ന്​ ജൈവവളം നിര്‍മാണം. പൂന്തോട്ടത്തില്‍ പൂവിട്ട് നില്‍ക്കുന്ന റോസയും സൂര്യകാന്തിയും കനകാംബരവും ചെത്തിയും കടലാസുറോസയും ജമന്തിയും. സ്‌കൂള്‍ പച്ചക്കറിത്തോട്ടത്തില്‍ തക്കാളി, പയര്‍, വഴുതന, കാബേജ്, ചീര തുടങ്ങിയവ. ഔഷധകൃഷിത്തോട്ടവും മത്സ്യകൃഷിയും. ഏഴു ഡിവിഷനിലായി 126 കുട്ടികളാണ് ഇവിടെയുള്ളത്. സ്‌കൂളി​ൻെറ ഹരിതാഭകാത്തുസൂക്ഷിക്കാന്‍ പ്രധാനാധ്യാപകന്‍ ജോയി ആന്‍ഡ്രൂസും ഗ്രീന്‍പ്രോട്ടോകോള്‍ നോഡല്‍ ഓഫിസര്‍ ജോഷി തോമസും സദാ ജാഗ്രത പാലിക്കുന്നു. ഗ്രാമപഞ്ചായത്തി​ൻെറ ഹരിത ഓഡിറ്റില്‍ 36 സ്ഥാപനങ്ങള്‍ക്ക് എ ഗ്രേഡും എട്ട് സ്ഥാപനങ്ങള്‍ക്ക് ബി ഗ്രേഡുമാണ് ലഭിച്ചതെന്ന് പ്രസിഡൻറ്​ എം.എസ്. സതി, സെക്രട്ടറി ആര്‍.സി. സുജിത് കുമാര്‍ എന്നിവര്‍ അറിയിച്ചു. 26ന് 44 സ്ഥാപനങ്ങളെയും ഹരിത ഓഫിസുകളായി പ്രഖ്യാപിക്കും. ​TDL Rajakkad Pushpa Thottam -രാജാക്കാട് പഴയവിടുതി സ്കൂളിലെ ഔഷധ- പുഷ്പ കൃഷിത്തോട്ടം