പെരിഞ്ചാംകുട്ടിയിൽ ആദിവാസികൾക്ക്​ ഭൂമിയില്ല; സമരനായകൻ പുറത്തേക്ക്​

ചെറുതോണി: ഒമ്പതുവർഷമായി ഭൂമിക്കുവേണ്ടി സമരം ചെയ്യുന്ന പെരിഞ്ചാംകുട്ടി ആദിവാസിഭൂമി അവകാശ സംരക്ഷണ സമിതി കൺവീനർ ബാബു അറക്കലിനെ പുറത്താക്കി. പകരം രക്ഷാധികാരി ജോസ് ചാണ്ടിയുടെ നേതൃത്വത്തിൽ യോഗം ചേർന്ന്​ പുതിയ കൺവീനറായി പി.എൻ. സതീശനെയും രാജപ്പൻ മണിയാറംകുടിയെ സെക്രട്ടറിയായും 11 അംഗ കമ്മിറ്റി രൂപവത്​കരിച്ചു. പെരിഞ്ചാംകുട്ടി തേക്ക്​ ​പ്ലാ​േൻറഷനിൽനിന്ന്​ 2008 കാലത്ത് കുടിയിറക്കിയ 158 ആദിവാസി കുടുംബങ്ങളാണ് ഭൂമി കിട്ടുമെന്ന പ്രതീക്ഷയിൽ കാത്തിരിക്കുന്നത്​. ഇവരെ സംഘടിപ്പിച്ചുനിർത്തി ആദിവാസി അവകാശ സംയുക്ത സമരസമിതി രൂപവത്​കരിച്ച്​ സമരത്തിന്​ നേതൃത്വം കൊടുത്ത നായകനായിരുന്നു ബാബു അറക്കൽ. സർക്കാറിന്​ എന്നും തലവേദനയായിരുന്ന ആദിവാസി നേതാവിനും സഹോദരനും അധികൃതർ ആശിച്ചഭൂമി ആദിവാസിക്ക്​ എന്ന പദ്ധതിയിൽപെടുത്തി രണ്ടേക്കർ ഭൂമി വീതം നൽകി. ഇതോടെ കൺവീനർ സമരമുഖത്തുനിന്ന്​ പിന്നോട്ടുമാറി. കഴിഞ്ഞ ഒരുവർഷമായി കമ്മിറ്റി വിളിച്ചുകൂട്ടുകയോ ഭൂമി പ്രശ്നം ചർച്ച ചെയ്യുകയോ ചെയ്യാറില്ല. ഇതേതുടർന്നാണ്​ കഴിഞ്ഞദിവസം കൺവീനറെ പുറത്താക്കി പുതിയ ഭാരവാഹികളെ തെരഞ്ഞെടുത്തത്​. കാട്ടാനകളുടെ ആക്രമണത്തിൽനിന്ന്​ രക്ഷതേടി 175 ആദിവാസി കുടുംബങ്ങളാണ്​ വനംവകുപ്പി​ൻെറ പെരിഞ്ചാംകുട്ടി തേക്ക്​ ​പ്ലാ​േൻറഷൻ കൈയേറിയത്​. ഇവരിൽ ചിന്നക്കനാലിൽനിന്ന്​ വന്ന 18 കുടുംബങ്ങളെ നിലനിർത്തി ബാക്കി 157 കുടുംബങ്ങളെ 2008ൽ ഇറക്കിവിട്ടു. കുടിയിറക്കിനിരയായവർ ആദിവാസി ഭൂസംരക്ഷണ സമിതി രൂപവത്​കരിച്ച്​ ബാബു അറക്ക​ൻെറ നേതൃത്വത്തിൽ 17 ദിവസം സെക്ര​േട്ടറിയറ്റിന്​ മുന്നിൽ കുടിൽകെട്ടി സമരം ചെയ്തു. പിന്നീട് സമരം ഇടുക്കി കലക്ടറേറ്റിന്​ മുന്നിലേക്ക്​ മാറ്റി. എൽ.ഡി.എഫ്​ സർക്കാർ വന്നതോടെ റവന്യൂവകുപ്പ് ചർച്ചക്ക്​ വിളിച്ച്​ ഒരേക്കർ ഭൂമി വീതം ഒരു വർഷത്തിനുള്ളിൽ നൽകാമെന്ന് വാഗ്ദാനം ചെയ്തു. അതോടെ കലക്ടറേറ്റിന്​ മുന്നിലെ സമരം അവസാനിപ്പിച്ച് ആദിവാസികൾ മടങ്ങി. ഈ സർക്കാറി​ൻെറ കാലാവധി തീരു​േമ്പാഴും ഇതുവരെ ആദിവാസികൾക്ക്​ സ്ഥലം നൽകിയിട്ടില്ല. പ്രഖ്യാപനങ്ങൾ കടലാസിലൊതുങ്ങി. ഈ സാഹചര്യത്തിലാണ്​ സമിതിക്ക്​ പുതുജീവൻ നൽകി പുതിയ കൺവീനറെ തെരഞ്ഞെടുത്തത്​. ഭൂമി നൽകും -മന്ത്രി ഇടുക്കി പെരിഞ്ചാംകുട്ടി തേക്ക്​ ​പ്ലാ​േൻറഷനിൽനിന്ന്​ കുടിയിറക്കപ്പെട്ട 158 ആദിവാസി കുടുംബങ്ങളെ പുനരധിവസിപ്പിക്കാൻ അർഹത പരിശോധിച്ച് ഒരേക്കർ എന്ന പരിധിക്ക്​ വിധേയമായി ഭൂമി അനുവദിക്കുന്നതിന് ഉത്തരവ്​ നൽകിയതായി മന്ത്രി ഇ. ചന്ദ്രശേഖരൻ അറിയിച്ചു നിയമസഭയിൽ പി.സി. ജോർജി​ൻെറ സബ്​മിഷന്​ മറുപടിയായാണ്​ മന്ത്രി പറഞ്ഞത്​. കേന്ദ്രാനുമതി ലഭിച്ച നിക്ഷിപ്ത വനഭൂമി ആദിവാസികൾക്ക്​ നൽകിവരുകയാണ്​.