മികച്ച ചാനൽ അവതാരകനുള്ള കര്‍ഷക അവാര്‍ഡ് ജോബിൻ കെ.മാണിക്ക്

കട്ടപ്പന: മികച്ച ചാനൽ അവതാരകനുള്ള സംസ്ഥാന കര്‍ഷക അവാര്‍ഡ് പുറ്റടി കണ്ടത്തിന്‍കര, മാണിയുടെ മകൻ ജോബിന്‍ കെ.മാണിക്ക്​. ഒരുലക്ഷം രൂപയും സ്വര്‍ണമെഡലും ഫലകവും സര്‍ട്ടിഫിക്കറ്റും അടങ്ങുന്നതാണ് അവാര്‍ഡ്. ഇടുക്കിവിഷന്‍ പ്രാദേശിക ചാനലില്‍ അവതരിപ്പിച്ച കര്‍ഷകരത്‌നം എന്ന പ്രോഗ്രാമും എച്ച്.സി.എന്‍ ചാനലില്‍ ഇപ്പോഴും സംപ്രേഷണം തുടരുന്ന മകരക്കൊയ്ത്ത് എന്ന പ്രോഗ്രാമുമാണ് അവാര്‍ഡിന് അര്‍ഹനാക്കിയത്. കര്‍ഷകരുടെ പുതിയ കൃഷിരീതികളും അറിവുകളും പങ്കു​െവക്കുന്ന പ്രോഗ്രാമുകളാണ് ജോബിന്‍ അവതരിപ്പിക്കുന്നത്. കൃഷി ഏറെ ഇഷ്​ടപെടുന്ന ജോബിന്‍ മികച്ച ഏലം കര്‍ഷകന്‍ കൂടിയാണ്. പ്രോഗ്രാം അവതരണത്തിനൊപ്പം അഭിനയരംഗത്തും ജോബിന്‍ മികവ് പുലര്‍ത്തുന്നു. അങ്കമാലി സ്വദേശി മനോജ് വര്‍ഗീസ് പാറേക്കാട്ടില്‍ സംവിധാനം നിര്‍വഹിക്കുന്ന പുതിയ സിനിമയിലും ജോബിന്‍ വേഷമിട്ടിട്ടുണ്ട്. ടിന്‍സിയാണ് ഭാര്യ. മക്കള്‍: നോഹ, ആദ്യ. TDL JOBIN AGRI AWARD സ്വദേശി ജോബിൻ കെ.മാണി