റോഡി​െൻറ​ ശോച്യാവസ്ഥ: ദുരിതയാത്രയിൽ പാലപ്ലാവ് ആദിവാസി കോളനി നിവാസികൾ

റോഡി​ൻെറ​ ശോച്യാവസ്ഥ: ദുരിതയാത്രയിൽ പാലപ്ലാവ് ആദിവാസി കോളനി നിവാസികൾ ചെറുതോണി: റോഡി​ൻെറ ശോച്യാവസ്ഥ മൂലം വാഹനയാത്ര ദുരിതമായി വെൺമണി പാലപ്ലാവ് ആദിവാസി കോളനിക്കാർക്ക്​. കുടിയേറ്റ കാലത്തോളം പഴക്കമുള്ള റോഡിനോട് അധികാരികളുടെയും ജനപ്രതിനിധികളുടെയും അവഗണനയാണ്​ റോഡി​ൻെറ ശോച്യാവസ്ഥക്കുള്ള പ്രധാന കാരണമെന്ന് നാട്ടുകാർ ആരോപിക്കുന്നു. കോളനിയുടെ നാലുവശത്തും വികസന വെളിച്ചമെത്തിയപ്പോൾ ഈ പ്രദേശം അവഗണിക്കപ്പെട്ടു. കഞ്ഞിക്കുഴി പഞ്ചായത്തി​ൻെറ അതിർത്തിയിൽ കിടക്കുന്ന പ്രദേശമാണിത്. വെൺമണി പാലപ്ലാവ് അംബേക്കർ ആദിവാസി കോളനി റോഡാണ് കാൽനടയാത്ര ദുരിതമായത്. 150ഓളം കുടുംബങ്ങൾ അധിവസിക്കുന്ന പാലപ്ലാവ് കോളനിയിൽ മറ്റ് പൊതുഗതാഗത സംവിധാനങ്ങൾ ഒന്നും ഇല്ല. ഓട്ടോകളും ഇരുചക്ര വാഹനങ്ങളുമാണ് യാത്രാമാർഗം. റോഡി​ൻെറ ശോച്യാവസ്ഥ മൂലം ഓട്ടോറിക്ഷകളും കടന്നുവരാൻ പറ്റാത്ത അവസ്ഥയിലാണ്. നിരവധി കിടപ്പുരോഗികളുള്ള പാലപ്ലാവ് ആദിവാസി കോളനിയിൽ റോഡി​ൻെറ ശോച്യാവസ്ഥ മൂലം വാഹനങ്ങൾ എത്താതായതൊടെ കിടപ്പുരോഗികളും ദുരിതത്തിലായി. അടിയന്തരമായി റോഡി​ൻെറ അറ്റകുറ്റപ്പണി നടത്തി റോഡ് സഞ്ചാരയോഗ്യമാക്കണമെന്നാണ് കോളനി നിവസികളുടെ ആവശ്യം. TDL PALAPLAVU TRIBAL COLONY ROAD കാൽനട പോലും ദുഷ്കരമായ പാലപ്ലാവ് ആദിവാസി കോളനി റോഡ്