അശാസ്​ത്രീയ സ്ഥലംമാറ്റം റദ്ദ്​ ചെയ്യണം -എൻ.ജി.ഒ.എ

തൊടുപുഴ: ജില്ല വിദ്യാഭ്യാസ വകുപ്പിൽ ഇറക്കിയ ക്ലാർക്കുമാരുടെ സ്ഥലംമാറ്റ ഉത്തരവ്​ അപാകത നിറഞ്ഞതാണെന്നും പിൻവലിക്കണമെന്നു​ം എൻ.ജി.ഒ അസോ. ജില്ല കമ്മിറ്റി ആവശ്യപ്പെട്ടു. വനിത ജീവനക്കാരെ ദ്രോഹിക്കുന്ന തരത്തിൽ തൊടുപുഴയിൽനിന്ന്​ കട്ടപ്പനയിലേക്കും അവിടെനിന്ന്​ തൊടുപുഴയിലേക്കും സ്ഥലംമാറ്റി രസിക്കുകയാണ്​ ഭരണാനുകൂല സംഘടനകൾ എന്ന്​ അസോ. ആരോപിച്ചു. പ്രസിഡൻറ്​ ഷാജി ദേവസ്യ, സെക്രട്ടറി രാജേഷ്​ ബേബി, ശിഹാബ്​ പരീത്​, ബിജു തോമസ്​, സി.എസ്. ഷമീർ, പി.കെ. യൂനുസ്​, ഡോളിക്കുട്ടി ജോസഫ്​, സി.എം. രാധകൃഷ്​ണൻ, എം.എ. ആൻറണി, കെ.സി. സിനോയി, വിൻസൻറ്​ തോമസ്​, പി.കെ. ഹരിദാസ്​ എന്നിവർ സംസാരിച്ചു.