വാഗ്​ദാനങ്ങളുടെ ആവർത്തനം -പി.ജെ. ജോസഫ്

തൊടുപുഴ: വാഗ്​ദാനങ്ങളുടെ ആവർത്തനമാണ് ബജറ്റിൽ ഉള്ളതെന്ന് പി.ജെ ജോസഫ് എം.എൽ.എ. മുൻ വർഷത്തെ ബജറ്റിൽ ഇടുക്കി പാക്കേജിന് 5000 കോടി അനുവദി​െച്ചന്ന്​ പറഞ്ഞ ധനമന്ത്രി തോമസ് ഐസക് ജനങ്ങളെ കബളിപ്പിക്കുകയാണ് ചെയ്​തത്. തുക നീക്കിവെക്കാതെ പ്രഖ്യാപനങ്ങൾ നടത്തുകയാണ്. ശ്രദ്ധേയ വികസന പദ്ധതികളൊന്നും ബജറ്റിൽ ഇല്ല. റബറിന് 250 രൂപയും തേങ്ങക്ക്​ 40 രൂപയും സംഭരണവില പ്രഖ്യാപിക്കണമെന്നാവശ്യപ്പെട്ടിരുന്നു. കാർഷിക, തൊഴിൽ, വ്യാപാര മേഖലക്ക്​ ഉണർവേകുന്ന ഒന്നും ബജറ്റിൽ ഇല്ലെന്നും ജോസഫ് കുറ്റപ്പെടുത്തി. ജില്ലയിൽ 181പേർക്കുകൂടി കോവിഡ് തൊടുപുഴ: ജില്ലയില്‍ 181പേര്‍ക്ക് കൂടി കോവിഡ്-19 സ്ഥിരീകരിച്ചു. 176പേർക്ക് സമ്പർക്കത്തിലൂടെയാണ് രോഗബാധ ഉണ്ടായത്. ഇതര സംസ്ഥാനക്കാരനായ ഒരാൾക്കും ഒരു ആരോഗ്യപ്രവർത്തകനും ഇന്നലെ കോവിഡ് സ്ഥിരീകരിച്ചിട്ടുണ്ട്. ഉറവിടം വ്യക്തമല്ലാത്തത്​ മൂന്ന്​ കേസുകളാണുള്ളത്​​. കേസുകള്‍ പഞ്ചായത്ത് തിരിച്ച്: അടിമാലി -10, ആലക്കോട് -3, അറക്കുളം -2 , അയ്യപ്പൻകോവിൽ -5, ചക്കുപള്ളം -6 , ഇടവെട്ടി -8, ഇരട്ടയാർ-3, കഞ്ഞിക്കുഴി -6, കാമാക്ഷി -2, കാഞ്ചിയാര്‍ -4, കരിമണ്ണൂർ -7, കരിങ്കുന്നം -4, കരുണാപുരം- 2 , കട്ടപ്പന -19, കോടിക്കുളം- 2, കൊക്കയാര്‍ -1, കൊന്നത്തടി -1, കുടയത്തൂർ -1, കുമാരമംഗലം- 3, മണക്കാട് -3, മരിയാപുരം -2, മൂന്നാർ -2, മുട്ടം -1, നെടുങ്കണ്ടം- 5, പീരുമേട് -2, പെരുവന്താനം -2, പുറപ്പുഴ -6, രാജകുമാരി -1, തൊടുപുഴ -20 ഉടുമ്പൻചോല -3, ഉടുമ്പന്നൂര്‍ -5, ഉപ്പുതറ -3, വണ്ടിപ്പെരിയാര്‍ -1, വണ്ണപ്പുറം -28, വാത്തിക്കുടി- 3, വാഴത്തോപ്പ് -2, വെള്ളത്തൂവൽ -2, വെള്ളിയാമറ്റം -1, ജില്ലയില്‍ ഉറവിടം വ്യക്തമല്ലാതെ 3 കേസുകള്‍ സ്ഥിരീകരിച്ചിട്ടുണ്ട്: പുറപ്പുഴ സ്വദേശി (29). കാഞ്ചിയാർ സ്വദേശി (38). പീരുമേട് വാഗമൺ സ്വദേശി (67).