കർഷക സമരം: കുഞ്ചിത്തണ്ണിയിൽ ധർണ

അടിമാലി: ഡൽഹിയിലെ കർഷക സമരത്തിന് പിന്തുണ പ്രഖ്യാപിച്ച്​ കുഞ്ചിത്തണ്ണിയിൽ കെ.സി.വൈ.എം, എ.കെ.സി.സി സംഘടനകളുടെ നേതൃത്വത്തിൽ ധർണ നടത്തി. തിരിതെളിക്കലും തെരുവുനാടകവും ഉണ്ടായി. ഹൈറേഞ്ചിലെ ആദ്യകാല കുടിയേറ്റ കർഷകയായ മുരിക്കനാനിയിൽ അന്നക്കുട്ടി ദീപം തെളിച്ച്​ ധർണ ഉദ്ഘാടനം ചെയ്തു. ഹൈറേഞ്ച് സംരക്ഷണസമിതി രക്ഷാധികാരി ഫാ. സെബാസ്​റ്റ്യൻ കൊച്ചുപുരക്കൽ വിഷയാവതരണം നടത്തി. വ്യാപാരി വ്യവസായി ഏകോപന സമിതി കുഞ്ചിത്തണ്ണി യൂനിറ്റ് പ്രസിഡൻറ് ജയിംസ്​ വർഗീസ്​ സംസാരിച്ചു. ടാറിങ്​​ നടത്തി ദിവസങ്ങൾക്കുള്ളിൽ റോഡിൽ കുണ്ടും കുഴിയും അടിമാലി: ടാറിങ്​​ നടത്തി ദിവസങ്ങൾക്കുള്ളിൽ മെറ്റലുകൾ ഇളകി റോഡ്​ കുണ്ടും കുഴിയുമായതായി ആക്ഷേപം. വെള്ളത്തൂവൽ പഞ്ചായത്തിൽ ഏഴാം വാർഡിൽ ഈട്ടിസിറ്റി വർക്കിക്കടയുടെ 200 മീറ്റർ പഞ്ചായത്ത് റോഡിലെ ടാറിങ്ങാണ്​ ആറ്​ ദിവസത്തിന​ുള്ളിൽതന്നെ തകർന്നത്. വേണ്ടത്ര മെറ്റലും ടാറും ഉപയോഗിക്കാത്തതും റോഡ് റോളർ കയറ്റി ശരിക്ക് ഉറപ്പിക്കാതിരുന്നതുമാണ് ടാറിങ്​​ ഇളകാൻ കാരണമായതെന്ന്​ പറയുന്നു. 12 ലക്ഷം മുടക്കിയാണ് ടാറിങ്​​ നടത്തിയത്. ഈട്ടി സിറ്റിയിൽനിന്ന്​ എല്ലക്കൽ ഭാഗത്തേക്കുള്ളതാണ് റോഡ്. നൂറ്റമ്പതോളം വീട്ടുകാരും പതിനഞ്ചോളം റിസോർട്ടുകളിലെത്തുന്ന വിനോദ സഞ്ചാരികളും നിത്യേന ഉപയോഗിക്കുന്ന റോഡാണിത്. ടാറിങ്​​ പൊളിഞ്ഞ ഭാഗം കരാറുകാരനെകൊണ്ടുതന്നെ റീ ടാറിങ്​ നടത്താൻ പഞ്ചായത്ത് നടപടി സ്വീകരിക്കണമെന്നാണ് നാട്ടുകാർ ആവശ്യപ്പെടുന്നത്.