ബി.ജെ.പി-യു.ഡി.എഫ് രഹസ്യധാരണ പരസ്യമായി -കെ.കെ. ജയചന്ദ്രൻ

തൊടുപുഴ: ബി.ജെ.പിയും യു.ഡി.എഫും തെരഞ്ഞെടുപ്പിൽ ഉണ്ടാക്കിയ രഹസ്യധാരണ തൊടുപുഴ നഗരസഭയിലെ സ്​റ്റാൻഡിങ്​ കമ്മിറ്റി അംഗങ്ങളുടെ തെരഞ്ഞെടുപ്പ് നടന്നതോടെ പരസ്യമായതായി സി.പി.എം ജില്ല സെക്രട്ടറി കെ.കെ. ജയചന്ദ്രൻ. സ്​റ്റാൻഡിങ്​ കമ്മിറ്റി തെരഞ്ഞെടുപ്പിൽ ബി.ജെ.പിയും യു.ഡി.എഫും ഒരു മുന്നണിയായാണ് മത്സരിച്ചത്. തെരഞ്ഞെടുപ്പിൽ പല വാർഡുകളിലും ഈ സഖ്യം വ്യക്തമായിരുന്നു. എൽ.ഡി.എഫ് ഭരണസമിതിയെ അധികാരത്തിൽനിന്ന്​ ഒഴിവാക്കാൻ ഇവർ ചേർന്ന് നടത്തിയ കച്ചവടത്തിന് തിരിച്ചടി നേരിട്ടതോടെയാണ് രഹസ്യധാരണ പരസ്യമായത്. 13 അംഗങ്ങളുള്ള യു.ഡി.എഫ് 21 അംഗങ്ങളുടെ പിന്തുണയോടെയാണ് സ്​റ്റാൻഡിങ്​ കമ്മിറ്റിയിലേക്ക് തെരഞ്ഞെടുക്കപ്പെട്ടത്. ഇതിൽ എട്ട് വോട്ടുകൾ ബി.ജെ.പിയുടെതാണ്. ഈ അവിശുദ്ധ കൂട്ടുകെട്ടി​ൻെറ നേതൃത്വം കോൺഗ്രസിനാണ്. ഈ കൂട്ടുകെട്ടിന് ജനം ശക്തമായ തിരിച്ചടി നൽകുമെന്ന് കെ.കെ. ജയചന്ദ്രൻ പ്രസ്താവനയിൽ പറഞ്ഞു.