പെരിയവരൈ പാലം തുറന്നുനൽകി

മൂന്നാർ: മൂന്നുവർഷത്തെ കാത്തിരിപ്പിനുശേഷം മൂന്നാർ- ഉദുമൽപ്പേട്ട അന്തർ സംസ്ഥാനപാതയിലെ പെരിയവരൈ പാലം ജനങ്ങൾക്ക് തുറന്നുനൽകി. മന്ത്രി ജി. സുധാകരൻ ഓൺലൈനായി ഉദ്ഘാടനം ചെയ്​തു. 2018 ആഗസ്​റ്റിലാണ് പ്രളയത്തിൽ കന്നിമലയാർ കരകവിഞ്ഞ് പെരിയവരൈയിലെ ബ്രിട്ടീഷ് കാലത്ത് പണികഴിപ്പിച്ച പാലം തകർന്നത്. തുടർന്ന് സമാന്തര പാലം നിർമിച്ചെങ്കിലും മൂന്ന​ുതവണ പാലം മലവെള്ളപ്പാച്ചിലിൽ ഒലിച്ചുപോയി. ഇതോടെ പുതിയപാലം വേണമെന്ന ആവശ്യം ഉയർന്നു. തുടർന്നാണ് സംസ്ഥാന സർക്കാർ നാലരക്കോടി രൂപ മുടക്കി പാലം നിർമിച്ചത്. മന്ത്രി എം.എം. മണി നാടമുറിച്ച് പാലം തുറന്നുനൽകി. കാലങ്ങളുടെ കാത്തിരിപ്പിനുശേഷം പാലം യാഥാർഥ്യമായാതി​ൻെറ സന്തോഷത്തിലാണ് നാട്ടുകാർ. പെട്ടിമുടി ദുരന്തമുണ്ടായപ്പോൾ പാലത്തി​ൻെറ അഭാവം വലിയ പ്രതിസന്ധി സൃഷ്​ടിച്ചിരുന്നു. ചിത്രം