ശബരി പാത: സർക്കാർ നിലപാട് സ്വാഗതാർഹം -സി.പി.ഐ

തൊടുപുഴ: രണ്ടു പതിറ്റാണ്ടായി മുടങ്ങിക്കിടന്ന അങ്കമാലി-ശബരി ​െറയിൽ പാത നിർമാണത്തിന് പച്ചക്കൊടി കാട്ടി സംസ്ഥാന സർക്കാർ എടുത്തനിലപാട് സ്വാഗതാർഹമാണെന്ന് സി.പി.ഐ തൊടുപുഴ താലൂക്ക് കമ്മിറ്റി. 20 വർഷം മുമ്പ് സ്വന്തം സ്ഥലത്തുകൂടി കല്ലിട്ട് പോകുകയും പദ്ധതി ഇഴഞ്ഞ് നീങ്ങുകയും ചെയ്തതി​ൻെറ പേരിൽ പാത കടന്ന് പോകുന്ന പ്രദേശത്തെ സ്ഥലം ഉടമകൾ അനുഭവിച്ച പ്രയാസം ചെറുതല്ല. ഇനി സ്ഥലം ഉടമകൾക്ക് മാന്യമായ നഷ്​ടപരിഹാരം നൽകി അടിയന്തരമായി ഭൂമി തർക്കം കൂടാതെ ഏറ്റെടുക്കാൻ നടപടി ഉണ്ടാകണമെന്നും സി.പി.ഐ തൊടുപുഴ താലൂക്ക് സെകട്ടറി പി.പി. ജോയി ആവശ്യപ്പെട്ടു.