അടിമാലിയിൽ അനധികൃത ഓട്ടോകൾ മൂന്നിരട്ടി; നടപടിയെടുക്കാതെ അധികൃതർ

അടിമാലി: വാണിജ്യകേന്ദ്രമായ അടിമാലിയിൽ അനധികൃത ഓ​ട്ടോകളുടെ എണ്ണം പെരുകുന്നു. ഇതിനെതിരെ ശക്തമായ പ്രതിഷേധവുമായി അംഗീകൃത ഓട്ടോൈഡ്രവർമാർ. പഞ്ചായത്ത് നമ്പർ നൽകി ഓട്ടോകൾ നിയന്ത്രിക്കാൻ േട്രഡ് യൂനിയനുകളെല്ലാം ആവശ്യപ്പെടുന്നുണ്ടെങ്കിലും പഞ്ചായത്ത് മുഖം തിരിക്കുകയാണ്. ഇതോടെ വാഹന പെരുപ്പവും വർധിച്ചു. 300നടുത്ത് ഓട്ടോകൾ അടിമാലിയിൽ രജിസ്​റ്റർ ചെയ്തിട്ടുള്ളതായാണ്​ ആർ.ടി ഓഫിസ്​ അധികൃതർ വ്യക്തമാക്കുന്നത്. എന്നാൽ, ആയിരത്തിന്​ മുകളിലാണ്​ പട്ടണത്തിൽ സർവിസ്​ നടത്തുന്നത്. കഴിഞ്ഞ പഞ്ചായത്ത് ഭരണസമിതിയുടെ നേതൃത്വത്തിൽ അടിമാലിയിൽ ഗതാഗത ഉപദേശക സമിതി ചേർന്നിരുന്നു. എന്നാൽ, തീരുമാനം നടപ്പാക്കുന്നതിൽ ഭരണസമിതി പരാജയമായി. പുതിയ ഭരണസമിതി അധികാരത്തിൽ എത്തിയതോടെ അടിമാലി പ്രതീക്ഷയിലാണ്. ടൗണിലെ ഓട്ടോ പ്രശ്നവും ഗതാഗത പ്രശ്നപരിഹാരം ഉൾ​െപ്പടെയുള്ള വിഷയങ്ങൾ പരിഹരിക്കാൻ പഞ്ചായത്ത് ഭരണസമിതി മുൻകൈയെടുക്കണമെന്ന ആവശ്യവും ഉയരുന്നു. അതിരാവിലെ വിവിധ പ്രദേശങ്ങളിൽ നിന്നെത്തുന്ന അനധികൃത ഓട്ടോറിക്ഷകൾ പട്ടണത്തിൽ വൈകീട്ട്​ വരെ ഓട്ടം നടത്തിയാണ് തിരിച്ചുപോകുന്നത്. ഇത്തരം ഓട്ടോകൾ പട്ടണത്തിലെത്തുന്നതോടെ അംഗീകൃത ഓട്ടോ സ്​റ്റാൻഡുകളിലുള്ള ഓട്ടോക്കാർക്ക് ഓട്ടം ലഭിക്കാത്ത സ്​ഥിതിയുണ്ട്. ഇതോടെ ഓട്ടോ തൊഴിലാളികൾ വാക്കുതർക്കങ്ങളും പതിവാണ്. അതുപോലെ ടൗണിൽ അനധികൃത ഓട്ടോ സ്​റ്റാൻഡുകളും ദിവസം തോറും പെരുകുന്നു. സർവിസ്​ ബസുകൾക്ക് മുന്നിലൂടെ സമാന്തരമായി സർവിസ്​ നടത്തുന്ന ഓട്ടോകളുടെ എണ്ണവും അടുത്തനാളിൽ വർധിച്ചു. കോവിഡിനെതിരെ സഹപാഠികളെ ബോധവത്​കരിച്ച് എൻ.എസ്​.എസ്​ കുട്ടികള്‍ ​െതാടുപുഴ: കാളിയാർ സൻെറ്‌ മേരീസ് ഹയർ‍ സെക്കൻഡറി സ്കൂളിലെ എൻ.എസ്​.എസ്​ വിദ്യാര്‍ഥികള്‍ പുതിയ അധ്യയനവര്‍ഷത്തില്‍ സ്കൂളിലെത്തിയ സഹപാഠികളെ പോസ്​റ്റര്‍ പ്രദര്‍ശനത്തിലൂടെയും സ്കൂളി​ൻെറ വിവിധ ഭാഗങ്ങളില്‍ മുന്നറിയിപ്പുകള്‍ പതിപ്പിച്ചും ക്ലാസ​ുകളില്‍ കയറി ബോധവത്​കരിച്ചും സൂചന ബോര്‍ഡുകള്‍ വൃത്തിയാക്കിയും വേറിട്ടതാക്കി. ഈ മഹാമാരിക്കാലത്തും എല്ലാ മുന്നൊരുക്കവും പൂര്‍ത്തിയാക്കിയ മനോഹരമായ ഈ കലാലയത്തില്‍ എത്തിച്ചേരാന്‍ സാധിച്ചതി​ൻെറ സന്തോഷത്തിനൊപ്പം, 'ഭയമല്ല, മുന്‍കരുതലാണ് വേണ്ടതെന്ന്' സന്ദേശം പകര്‍ന്നുകൊടുക്കാന്‍ അവര്‍ക്ക് സാധിച്ചു. സ്കൂൾ മാനേജർ ഫാ. ജോണ്‍ ആനിക്കോട്ടില്‍‍, പ്രിന്‍സിപ്പല്‍ ബിജു ജോസഫ്‌, എൻ.എസ്​.എസ്​ പ്രോഗ്രാം ഓഫിസര്‍ ജയിസണ്‍ മാത്യു, എൻ.എസ്​.എസ്​ വളൻറിയർമാരായ അലക്സ് കെ.ഷാജു, അന്‍സ മാര്‍ട്ടിന്‍, ജോവാന മേരി ജോര്‍ജ്​, പി.എസ്​. ദേവാനന്ദ, അന്ന ജോയ് എന്നിവരാണ്‌ പരിപാടികള്‍ക്ക് നേതൃത്വം നൽകുന്നത്. TDL ST MARYS HSS KALIYAR കാളിയാർ സൻെറ്‌ മേരീസ് ഹയർ ‍സെക്കൻഡറി സ്കൂളിലെ എൻ.എസ്.എസ്​ വിദ്യാര്‍ഥികള്‍ സഹപാഠികൾക്കായി പ്രദർശിപ്പിച്ച മുന്നറിയിപ്പുകൾ