കർഷകർക്ക് നഷ്​ടപരിഹാരം നൽകണം –പി.ജെ. ജോസഫ്

തൊടുപുഴ: കോട്ടയം, ആലപ്പുഴ ജില്ലകളിൽ പക്ഷിപ്പനി മൂലം പ്രതിസന്ധിയിലായിരിക്കുന്ന കർഷകർക്ക് നഷ്​ടപരിഹാരം നൽകാൻ സർക്കാർ തയാറാകണമെന്ന് കേരള കോൺഗ്രസ്​ എം ജോസഫ് വിഭാഗം വർക്കിങ്​ ചെയർമാൻ പി.ജെ. ജോസഫ് എം.എൽ.എ. താറാവു കൃഷിയുമായി ബന്ധപ്പെട്ട് നൂറുകണക്കിന് ചെറുകിട കർഷകരാണ് കുട്ടനാട്, അപ്പർ കുട്ടനാട് മേഖലകളിലുള്ളത്. നാമമാത്ര വരുമാനമുള്ള ഇവർ ഇപ്പോൾ പ്രതിസന്ധിയിലായിരിക്കുകയാണ്. നിത്യ ചെലവിനു പോലും നിവൃത്തിയില്ലാത്ത ഈ കർഷകർക്ക് അടിയന്തര സഹായം എത്തിക്കണമെന്നും ഇവർക്കായി പ്രത്യേക സഹായപദ്ധതി നടപ്പാക്കണമെന്നും ജോസഫ് ആവശ്യപ്പെട്ടു.