അനധികൃത മണൽവാരൽ പിടികൂടി

മറയൂർ: പാമ്പാറിൽ അനധികൃതമായി നടക്കുന്ന മണൽവാരൽ റവന്യൂ വകുപ്പ് തടഞ്ഞു. മറയൂർ വില്ലേജ് ഓഫിസർ പി. സുജിത് കുമാർ, വില്ലേജ് അസിസ്​റ്റൻറുമാരായ ശ്രീനിവാസൻ, പി. ഹരി എന്നിവരാണ് പാമ്പാറ്റിൽനിന്ന്​ മണൽ വാരുന്നുവെന്ന രഹസ്യവിവരത്തെ തുടർന്ന് സ്ഥലത്തെത്തിയത്. വള്ളമുപയോഗിച്ച് മണൽവാരിക്കൊണ്ടിരുന്നവർ ഓടിരക്ഷപ്പെട്ടു. കോരിയിട്ടിരുന്ന 200 അടിയിലധികം മണലും മണൽ വാരാനുപയോഗിച്ച വള്ളവും മറയൂർ പൊലീസിലിൽ ഏൽപിച്ചു. ചിത്രം- TDL MANAL അനധികൃതമായി വാരിയ മണൽ റവന്യൂ വകുപ്പും പൊലീസ് സംഘവുമെത്തി പരിശോധിക്കുന്നു കമ്പംമെട്ടിൽ തമിഴ്​നാട് വക ടാക്സി ഓട്ടോസ്​റ്റാൻഡ്​ നെടുങ്കണ്ടം: സംസ്ഥാന അതിർത്തി പട്ടണമായ കമ്പംമെട്ടിൽ തമിഴ്​നാട് വക ടാക്സി ഓട്ടോ. കമ്പത്തുനിന്ന്​ എത്തിയ ഓട്ടോകളാണ് ഇവിടെ സ്​റ്റാൻഡ് ആരംഭിച്ചത്. തമിഴ്​നാട് വനംവകുപ്പി​ൻെറ ചെക്​പോസ്​റ്റിന് സമീപത്തായാണ് ഓട്ടോ സ്​റ്റാൻഡ് ആരംഭിച്ചിരിക്കുന്നത്. കമ്പംമെട്ടിൽ 15ഓളം ഓട്ടോകളാണ് കഴിഞ്ഞദിവസം മുതൽ സർവിസ്​ ആരംഭിച്ചത്. കുമളി-കമ്പം റോഡ് പുനർനിർണത്തിനായി അടച്ചതോടെ കമ്പംമെട്ടിൽ വാഹനത്തിരക്ക് വർധിച്ചു. ഇതേ തുടർന്നാണ് ഒറ്റ രാത്രികൊണ്ട്​ കമ്പംമെട്ടിൽ തമിഴ്​നാട് ടാക്സി ഓട്ടോകളുടെ സ്​റ്റാൻഡ്​ പ്രത്യക്ഷപ്പെട്ടത്. തമിഴ്​നാട്ടിലേക്ക് യാത്രചെയ്യുന്നവർ കൂടുതലായും ആശ്രയിച്ചിരുന്നത് കുമളി ചെക്​പോസ്​റ്റിനെയായിരുന്നു. എന്നാൽ, കുമളി-കമ്പം റോഡ് അടച്ചതോടെ യാത്രവാഹനങ്ങളും ചരക്കുവാഹനങ്ങളും ഇപ്പോൾ കടന്നുപോകുന്നത് കമ്പംമെട്ട് വഴിയാണ്. ഈ സാഹചര്യത്തിലാണ് തോട്ടം തൊഴിലാളികളെയും കച്ചവടക്കാരെയും കമ്പത്തേക്ക് എത്തിക്കുന്നതിന് ഓട്ടോകൾ കമ്പത്തുനിന്ന്​ എത്തി ഇവിടെ സ്​റ്റാൻഡ്​ ആരംഭിച്ചത്. കമ്പംമെട്ടിൽ തമിഴ്നാട്ടിലേക്ക് പോകുന്നവർക്കുള്ള യാത്ര സൗകര്യം പരിമിതമാണ്. കോവിഡ് കാലത്തിന് മുമ്പ് തമിഴ്നാട്ടിലേക്ക് കെ.എസ്​.ആർ.ടി.സിയും തമിഴ്നാട് സർക്കാറി​ൻെറ ട്രാൻസ്​പോർട്ട് കോർപറേഷനും സർവിസുകൾ നടത്തിയിരുന്നു. എന്നാൽ​, കോവിഡി​ൻെറ സാഹചര്യത്തിൽ ചെക്​പോസ്​റ്റുകൾ അടച്ചതോടെ ഈ സർവിസുകൾ റദ്ദാക്കിയിരുന്നു. ഇത് പുനരാരംഭിക്കാത്ത സാഹചര്യത്തിലാണ് തമിഴ്നാട്ടിൽനിന്നുള്ള ടാക്സി ഓട്ടോകൾ കമ്പംമെട്ടിൽ സ്​റ്റാൻഡ് ആരംഭിച്ചത്. ചിത്രം - TDL TAXI STAND ടാക്​സി സ്​റ്റാൻഡ്​