ദുരിതത്തിലാണ്​ യാത്രക്കാർ

നിർത്തിവെച്ച സർവിസുകൾ തുടങ്ങിയില്ല തൊടുപുഴ: നിർത്തലാക്കിയ സർവിസുകൾ കെ.എസ്​.ആർ.ടി.സി പുനരാരംഭിക്കാത്തതിനെ തുടർന്ന്​ യാത്രാക്ലേശം രൂക്ഷം. കോവിഡ്​ പ്രതിസന്ധിയെത്തുടർന്ന്​ കലക്​ഷൻ കുറവായ സർവിസുകളിൽ പലതും നിർത്തലാക്കിയതോടെയാണ്​ തൊടുപുഴ ഡിപ്പോക്ക്​ കീഴിലുള്ള ബസുകൾ പലതും കട്ടപ്പുറത്തായത്​. പല ഉൾപ്രദേശങ്ങളിലേക്കും സ്വകാര്യ ബസുകളും കാര്യമായി സർവിസ്​ നടത്താത്തതോടെ ​യാത്രക്കാർ ദുരിതത്തിലായി​​. നിർത്തലാക്കിയ സർവിസുകൾ ജനുവരി ആദ്യവാരം തന്നെ ഓടിത്തുടങ്ങുമെന്നാണ്​ കെ.എസ്​.ആർ.ടി.സി അറിയിച്ചതെങ്കിലും പലതും ഇപ്പോഴും ഓടിത്തുടങ്ങിയിട്ടില്ല​. തൊടുപുഴ ഡിപ്പോയിൽനിന്ന്​ 34 സർവിസുകൾ മാത്രമാണ്​ ഇപ്പോൾ ഓടുന്നത്​. നേരത്തേ 52 സർവിസുകൾ പുറപ്പെട്ടിരുന്ന സ്ഥാനത്താണിത്​. ഇപ്പോൾ സർവിസ്​ നടത്തുന്നതിൽ കൂടുതലും സൂപ്പർ ഫാസ്​റ്റ്​, ഫാസ്​റ്റ്​ സർവിസ്​ ബസുകളാണ്​. ഓർഡിനറി സർവിസുകൾ പലതും ആരംഭിക്കാത്തതാണ്​ ഗ്രാമീണ മേഖലയിലടക്കം യാത്ര ദുരിതത്തിനിടയാക്കുന്നത്​. സ്​കൂളുകളും കോളജുകളും ഭാഗികമായി പ്രവർത്തനം ആരംഭിച്ചതോടെ കുട്ടികൾക്കും യാത്രദുരിതം വിതക്കുകയാണ്​​​. തൊടുപുഴ ഡിപ്പോയിൽനിന്ന്​ ആനക്കയം, പൂമാല, മുളളരിങ്ങാട്​, മൂലമറ്റം ​ തുടങ്ങിയ റൂട്ടുകളിൽ ഓടിയിരുന്ന പല ഷട്ടിൽ സർവീസുകളും ഓടുന്നില്ല. ഇവിടങ്ങളിലുള്ളവർ കൂടുതലും ബസുകളെയാണ്​ ആശ്രയിക്കുന്നത്​. തൊടുപുഴ- മൂലമറ്റം സർവീസ്​ നടത്തിയിരുന്ന ബസുകൾക്ക്​ നല്ല ​ കളക്ഷനുണ്ടായിട്ടും പലതും​ സർവീസ്​ ആരംഭിക്കുന്നില്ലെന്ന്​ യാത്രക്കാർ ആ​േരാപിക്കുന്നു. കൂടാതെ രാവിലെ 8.30 ന്​ തൊടുപുഴയിൽ നിന്ന്​ കട്ടപ്പനയിലേക്ക്​ പോകുന്ന ബസും സർവീസ്​ തുടങ്ങിയിട്ടില്ല. ഉദ്യോഗസ്​ഥരടക്കം നിരവധി പേർ ആശ്രയിക്കുന്ന ബസാണ്​ ഇത്​. കൂടാതെ മുവാറ്റുപുഴ- കാഞ്ഞിരപ്പള്ളി റൂട്ടിൽ ഏറെ കൊട്ടിഘോഷിച്ച്​ ചെയിൻ സർവീസ്​ നടപ്പാക്കിയിരുന്നു. അഞ്ചെണ്ണം തുടങ്ങിയതിൽ മൂന്നും നിർത്തലാക്കി. ഈ സർവീസുകൾ നഷട്മില്ലാതെയാണ്​ ഓടിയിരുന്ന​െതന്ന്​​ ജീവനക്കാരും പറയുന്നു. കോവിഡ്​ പ്രതിസന്ധിക്കാലത്തുണ്ടായിരുന്ന വിലക്കുകൾക്ക്​ ഇളവുകൾ വന്നതിനാൽ ഒ​ട്ടേറെപേർ ബസുകളെ ആശ്രയിക്കുന്നുണ്ട്​. എന്നാൽ സർവീസ്​ ആരംഭിക്കാനുള്ള നീക്കം അധികൃതരുടെ ഭാഗത്ത്​ നിന്നുണ്ടാകാത്തത്​ ആശങ്കക്കിടയാക്കുന്നുണ്ട്​. ഇതിനിടെ കണ്ടക്​ടർ ക്ഷാമവും തൊടുപുഴ ഡിപ്പോയെ പ്രതിസന്ധിയിലാക്കുന്നുണ്ട്​. നിലവിൽ 35 കണ്ടക്​ടർമാരുടെ കുറവുണ്ട്​. എം. പാനൽ കണ്ടക്​ടർമാരെ പിരിച്ചുവി​ട്ടെങ്കിലും പകരം നിയമനം നടത്താത്തതും പ്രതിസന്ധിക്കിടയാക്കി. അതേ സമയം തൊട്ടടു​ത്ത പാല ഡിപ്പോയിൽ ക​ണ്ടക്​ടർമാരു​െട എണ്ണം കൂടുതലാണ്​. ഇവിടെ നിന്ന്​ വർക്ക്​ അറേഞ്ചുമൻെറിൽ എത്തിക്കാമെങ്കിലും നടപടി സ്വീകരിക്കുന്നില്ലെന്ന്​ ആക്ഷേപമുണ്ട്​.