മലങ്കര ജലാശയത്തി​െൻറ ആഴം അളക്കൽ; പഠനം തുടരുന്നു

മലങ്കര ജലാശയത്തി​ൻെറ ആഴം അളക്കൽ; പഠനം തുടരുന്നു തൊടുപുഴ: മുട്ടം മലങ്കര ജലാശയത്തി​ൻെറ ആഴം അളക്കുന്നതിനും അണ്ടര്‍വാട്ടര്‍ സവിശേഷതകള്‍ മാപ്പ് ചെയ്യുന്നതിനുമുള്ള പഠനം തുടരുന്നു. ജലവിഭവ വകുപ്പിന് കീഴില്‍ പീച്ചിയിലുള്ള കേരള എൻജിനീയറിങ്​ റിസര്‍ച്ച് ഇന്‍സ്​റ്റിറ്റ്യൂട്ടാണ്​ അണക്കെട്ടില്‍ പഠനം നടത്തുക. ആറ് ദിവസത്തിനുള്ളില്‍ പഠനം പൂര്‍ത്തിയാകുമെന്നാണ്​ പ്രതീക്ഷ. രണ്ട് അംഗങ്ങളുള്ള എൻജിനീയറിങ്​ വിഭാഗത്തി​ൻെറ നേതൃത്വത്തിലാണ്​ പഠനം ആരംഭിച്ചത്​. എക്സിക്യൂട്ടിവ് എൻജിനീയർ ഉള്‍പ്പെടെ വിദഗ്ധര്‍ വരും ദിവസങ്ങളില്‍ മലങ്കരയിലെത്തും. പഠനത്തിനായി പീച്ചിയില്‍നിന്ന് ബോട്ടും മറ്റ് ഉപകരണങ്ങളും മലങ്കര ജലാശയത്തിലെത്തിച്ചിട്ടുണ്ട്. പഠനത്തി​ൻെറ ഭാഗമായി മലങ്കര ഡാമി​ൻെറ മുഴുവന്‍ ഭാഗങ്ങളിലും സംഘം ബോട്ടില്‍ സഞ്ചരിക്കും. ഇതിനായി വരും ദിവസങ്ങളില്‍ ഡാമി​ൻെറ പരമാവധി ശേഷിയായ 42 മീറ്ററിലേക്ക് ജലനിരപ്പ് ഉയര്‍ത്തും.