അറക്കുളത്ത്​ എൽ.ഡി.എഫിന്​ ഭൂരിപക്ഷം; കോൺഗ്രസ്​ പ്രസിഡൻറ്​

തൊടുപുഴ: എൽ.ഡി.എഫ് വിട്ടുനിന്നതിനാൽ പ്രസിഡൻറ്​ തെരഞ്ഞെടുപ്പ് മാറ്റി​െവച്ച അറക്കുളം പഞ്ചായത്തിൽ വ്യാഴാഴ്​ച നടന്ന തെരഞ്ഞെടുപ്പിൽ കോൺഗ്രസിലെ കെ.എസ്. വിനോദ് കുമാർ പ്രസിഡൻറായി. പട്ടികജാതി വിഭാഗത്തിന്​ പ്രസിഡൻറുപദം സംവരണം ചെയ്​ത പഞ്ചായത്തിൽ എൽ.ഡി.എഫ്​ മെംബറുടെ ജാതി ചോദ്യം ചെയ്​ത പരാതിയിൽ ജാതി സർട്ടിഫിക്കറ്റ്​ മരവിപ്പിച്ച സാഹചര്യത്തിലാണ്​ എൽ.ഡി.എഫിന്​ ഭൂരിപക്ഷമുള്ള പഞ്ചായത്തിൽ കോൺഗ്രസിന്​ പ്രസിഡൻറുണ്ടായത്​. പട്ടികജാതി വിഭാഗത്തിൽനിന്ന്​ അവശേഷിച്ച ഒരേയൊരു അംഗം വിനോദ് മാത്രമാണ്. എൽ.ഡി.എഫ്​ ടിക്കറ്റിൽ മത്സരിച്ച സിന്ധുമോൾക്കെതിരെയാണ്​ പട്ടികജാതിക്കാരിയല്ലെന്ന പരാതി വന്നത്​. എൽ.ഡി.എഫ് അംഗങ്ങൾ വ്യാഴാഴ്​ച നടന്ന തെരഞ്ഞെടുപ്പിൽ പങ്കെടുത്തില്ല. യു.ഡി.എഫിലെ 4 അംഗങ്ങളും ​െറബലായി മത്സരിച്ച് വിജയിച്ച ഉഷാ ഗോപിനാഥും പങ്കെടുത്തു. ടോമി വാളികുളം കെ.എസ്. വിനോദി​ൻെറ പേര് നിർദേശിച്ചു. ഉഷാഗോപിനാഥ് പിന്താങ്ങി. എതിർസ്ഥാനാർഥിയില്ലാത്തതിനാൽ വിനോദിനെ പ്രസിഡൻറായി വരണാധികാരി പ്രഖ്യാപിച്ചു. പ്രസിഡൻറി​ൻെറ സത്യപ്രതിജ്ഞക്കുശേഷം എൽ.ഡി.എഫ്​ അംഗങ്ങൾ കോൺഫറൻസ് ഹാളിൽ എത്തി. വൈസ് പ്രസിഡൻറ്​ തെരഞ്ഞെടുപ്പിൽ എൽ.ഡി.എഫ്​ അംഗങ്ങൾ പ​ങ്കെടുത്തു. സി.പി.ഐയിലെ ഗീതാ തുളസീധരൻ വിജയിച്ചു. 15 അംഗ പഞ്ചായത്ത് ഭരണസമിതിയിൽ ഒമ്പത്​ അംഗങ്ങൾ എൽ.ഡി.എഫിനൊപ്പമാണ്. യു.ഡി.എഫിന് നാല്​ അംഗങ്ങൾ മാത്രമാണുള്ളത്. ബി.ജെ.പി അംഗം യോഗത്തിന് എത്തിയില്ല. TDL104 VINODH KUMAR അറക്കുളം പഞ്ചായത്ത്​ പ്രസിഡൻറ്​ വിനോദ്​ കുമാർ TDL105 വൈസ്​ പ്രസിഡൻറ്​ ഗീതാതുളസീധരൻ IDL108 പക്ഷപാതപരമായ ഇടപെടൽ; ക്രൈംബ്രാഞ്ച്​ ഡി.വൈ.എസ്​.പിക്ക്​ സസ്​പെൻഷൻ ഇടുക്കി: മൂന്നാർ മുൻ ഡി.വൈ.എസ്​.പിയും നിലവിൽ ക്രൈംബ്രാഞ്ച്​ ഡി.വൈ.എസ്​.പിയുമായ രമേശ്​ കുമാറിനെ അന്വേഷണ വിധേയമായി സസ്​പെൻഡ്​ ചെയ്​തു. ശാന്തമ്പാറയിലെ കെ.ആർ.വി എസ്​റ്റേറ്റി​ൻെറ ഉടമസ്​ഥാവകാശവുമായി ബന്ധപ്പെട്ട തർക്കത്തിൽ പക്ഷപാതപരമായി ഇടപെട്ട്​ ഔദ്യോഗിക പദവി ദുര​ുപയോഗം ചെയ്​തെന്ന റിപ്പോർട്ടിലാണ്​ നടപടി. നടി കെ.ആർ. വിജയയിൽ നിന്ന്​ നൂനപക്ഷ കമീഷൻ അംഗം ജോൺ ജോസഫ്​ വാങ്ങിയ എസ്​റ്റേറ്റ്​ പിന്നീട്​ കൈമാറ്റം ചെയ്​തത്​ നിയമപ്രശ്​നത്തിൽ കലാശിച്ചതോടെ ഇരുവിഭാഗങ്ങൾ തമ്മിൽ സംഘർഷമുണ്ടായതുമായി ബന്ധപ്പെട്ടാണ്​ ഡി.വൈ.എസ്​.പിക്കെതിരെ ജില്ല പൊലീസ്​ മേധാവിയുടെ റിപ്പോർട്ട്​. പൊലീസ്​ സംരക്ഷണം പിൻവലിച്ച്​ ഉത്തരവിട്ടതിന്​ പിന്നാലെ ഒരു വിഭാഗത്തിന്​ അനുകൂലമായി ഡിവൈ.എസ്​.പി ഇ​ടപെ​ട്ടെന്നാണ്​ ആരോപണം. വിഷയത്തിൽ പൊലീസിനെതിരെ കോടതി വിമർശനവുമുണ്ടായി.