ലീഗിന്​ രണ്ട്​ പഞ്ചായത്ത്: ഇ​ടവെട്ടിയിൽ ഷീജ; കുമാരമംഗലത്ത്​ ഷെമീന

തൊടുപുഴ: ജില്ലയിൽ യു.ഡി.എഫ്​ ധാരണപ്രകാരം മുസ്​ലിം ലീഗിന്​ രണ്ട്​ പഞ്ചായത്തുകളുടെ പ്രസിഡൻറ്​ പദം. ഇടവെട്ടിയിൽ ഷിജ നൗഷാദും കുമാരമംഗലത്ത്​ ഷമീന നാസറും പ്രസിഡൻറ്​ സ്ഥാനാർഥിയാകും. ഷീജ പഞ്ചായത്ത്​ മുൻ വൈസ്​ പ്രസിഡൻറാണ്​. ഇടവെട്ടി പഞ്ചായത്തിലെ ജനറൽ വാർഡായ ​ മാർത്തോമയിൽനിന്നാണ്​ വിജയിച്ചത്​. കുമാരമംഗലം പഞ്ചായത്ത്​ പ്രസിഡൻറാകുന്ന ഷമീന മുൻ പഞ്ചായത്ത്​ മെംബറാണ്​. പ്രസിഡൻറ്​ വനിത സംവരണമായ ഇടവെട്ടിയിൽ കോൺഗ്രസിന്​ വനിത മെംബറില്ല. കുമാരമംഗലത്ത്​ കേരള കോൺഗ്രസ്​ ജോസഫ്​ വിഭാഗത്തിനും വനിതയെ വിജയിപ്പിക്കാനായില്ല. കോടിക്കുളം, മുട്ടം, കുടയത്തൂർ പഞ്ചായത്തുകളിൽ വൈസ്​ പ്രസിഡൻറ്​ പദവും ലീഗിന്​ നീക്കിവെച്ചിരിക്കുകയാണ്​ യു.ഡി.എഫ്​.