തമിഴ്നാട് അതിർത്തി അടഞ്ഞു; വിനോദ സഞ്ചാര മേഖലക്ക്​ തിരിച്ചടി

30 വരെയാണ് യാത്ര നിരോധിച്ചത് കുമളി: ദേശീയ പാത നിർമാണത്തി​ൻെറ ഭാഗമായി തമിഴ്നാട് അതിർത്തി അടച്ചത് തേക്കടി ഉൾപ്പെടുന്ന വിനോദ സഞ്ചാര മേഖലക്ക്​ തിരിച്ചടിയായി. ഈ മാസം 24 മുതൽ 30വരെയാണ് തമിഴ്നാട്ടിലോട്ടും തിരിച്ചുമുള്ള യാത്ര നിരോധിച്ചത്. ക്രിസ്മസ് -പുതുവത്സരദിനങ്ങളോടനുബന്ധിച്ച് വിനോദ സഞ്ചാര മേഖലയിൽ ഉണർവുണ്ടാകുന്ന ഘട്ടത്തിലാണ് അതിർത്തി അടഞ്ഞത്. കർണാടക, തമിഴ്നാട് സംസ്ഥാനങ്ങളിൽനിന്ന്​ തേക്കടിയിലേക്കുള്ള സഞ്ചാരികളുടെ വരവും തേക്കടിയിലെത്തുന്ന വിനോദസഞ്ചാരികൾ തമിഴ്നാട് അതിർത്തിയിലെ മുന്തിരിത്തോപ്പുകളിലേക്ക് പോകുന്നതും അതിർത്തി അടഞ്ഞതോടെ പ്രതിസന്ധിയിലായി. കൊട്ടാരക്കര-ദിണ്ഡിഗൽ ദേശീയ പാതയുടെ ഭാഗമായ കുമളി-ലോവർ ക്യാമ്പ് മലമ്പാതയിലെ നിർമാണ ജോലികൾക്കായാണ് ഇതുവഴിയുള്ള ഗതാഗതം പൂർണമായും നിർത്തിയത്. ഡിസംബർ 30ന് പാത തുറക്കുമെന്ന് അധികൃതർ അറിയിച്ചിട്ടുണ്ടെങ്കിലും ചെറിയ പാലത്തി​ൻെറ നിർമാണം ഇതിനോടകം പൂർത്തിയാകുമോയെന്ന കാര്യത്തിൽ ആശയക്കുഴപ്പം നിലനിൽക്കുകയാണ്. കുമളിവഴിയുള്ള ഗതാഗതം നിലച്ചത് ശബരിമല തീർഥാടകർക്കും പ്രയാസങ്ങൾ സൃഷ്​ടിക്കുന്നുണ്ട്. തീർഥാടനശേഷം തമിഴ്നാട്ടിലേക്ക് മടങ്ങുന്ന പലരും കുമളിയിലെത്തിയ ശേഷമാണ് പാത അടച്ചത്​ അറിയുന്നത്. കുമളിയിൽനിന്ന്​ 30 കിലോമീറ്റർ സഞ്ചരിച്ച് കമ്പംമെട്ട് വഴിയാണ് ഇരുചക്രവാഹനം ഉൾ​െപ്പടെ മുഴുവൻ വാഹനങ്ങളും ഇപ്പോൾ തമിഴ്നാട്ടിലേക്ക് പോകുന്നത്. TDL barikkedu കേരള-തമിഴ്നാട് അതിർത്തിയിൽ ഗതാഗതം തടഞ്ഞ് ബാരിക്കേഡുകൾ ​െവച്ചിരിക്കുന്നു