​പരാജയം വോട്ട്​ കച്ചവടം മൂലമെന്ന്​ ജോസഫ്​ വിഭാഗം

അടിമാലി: സേനാപതി പഞ്ചായത്ത്​ രണ്ടാംവാർഡിൽ കോൺഗ്രസ് സ്ഥാനാർഥി വിജയിച്ചെങ്കിലും ജില്ല പഞ്ചായത്ത് ഡിവിഷനിൽ മത്സരിച്ച കേരള കോൺഗ്രസ്-ജോസഫ് സ്ഥാനാർഥിക്ക് ഇതേ വാർഡിൽ 180 വോട്ട് കുറഞ്ഞത് ചില സി.പി.എം-കോൺഗ്രസ് നേതാക്കൾ തമ്മിലെ വോട്ട് കച്ചവടം മൂലമാണെന്ന് കേരള കോൺഗ്രസി​ൻെറ പരാതി. സി.പി.​െഎ പ്രതിനിധി മാത്രം ജയിക്കാറുള്ള വാർഡിൽ ആദ്യമായാണ് ഒരു കോൺഗ്രസ് സ്ഥാനാർഥി ജയിക്കുന്നത്. വാർഡിൽ മത്സരിച്ച തങ്ങളുടെ സ്ഥാനാർഥി പരാജയപ്പെട്ടപ്പോഴും ജില്ല പഞ്ചായത്ത് നെടുങ്കണ്ടം ഡിവിഷനിൽ മത്സരിച്ച സി.പി.എം സ്ഥാനാഥിക്ക് 180 വോട്ടി​ൻെറ ലീഡ് കിട്ടിയത് സി.പി.​െഎക്കുള്ളിലും ചർച്ചയായിട്ടുണ്ട്‌. പഞ്ചായത്തിൽ പല സ്ഥലത്തും ഇതുപോലെ പരസ്യമായ വോട്ട് കച്ചവടം നടന്നതായാണ് കേരള കോൺഗ്രസ്-ജോസഫ് വിഭാഗത്തിലെ ചില നേതാക്കൾ ആരോപിക്കുന്നത്. ഇക്കാര്യമുന്നയിച്ച് ജില്ല യു.ഡി.എഫ്​ കമ്മിറ്റിക്ക് പരാതി നൽകാനാണ് ഇവരുടെ നീക്കം. കോൺഗ്രസിലെ അനൈക്യമാണ് പഞ്ചായത്ത് ഭരണം നഷ്​ടപ്പെടാൻ കാരണമെന്നും കേരള കോൺഗ്രസ് ആരോപിക്കുന്നു. ജോസഫ് വിഭാഗത്തിന് സ്വാധീനമുള്ള പഞ്ചായത്തിൽ മത്സരിക്കാൻ സീറ്റ് ലഭിക്കാത്തതിലും പാർട്ടിയിൽ അതൃപ്തി രൂക്ഷമാണ്. വരും ദിവസങ്ങളിൽ യു.ഡി.എഫ്​ യോഗങ്ങളിൽ ഇത് ചർച്ചയാക്കാനാണ് കേരള കോൺഗ്രസ്-ജോസഫ് നേതാക്കളുടെ തീരുമാനം. 35 വർഷത്തിനുശേഷം ആദ്യമായി 2015ൽ സേനാപതിയിൽ യു.ഡി.എഫ്​ ഭരണത്തിൽ വന്നെങ്കിലും ഇക്കുറി നാല്​ സീറ്റ് മാത്രമാണ് ലഭിച്ചത്. പരാജയത്തിന്​ പിന്നാലെ മുഴുവൻ സീറ്റിലും മത്സരിച്ച കോൺഗ്രസിൽ കലഹം തുടങ്ങി. മണ്ഡലം പ്രസിഡൻറ്​ ജോർജ് കുര്യൻ ഡി.സി.സി നേതൃത്വത്തിന് രാജിക്കത്ത് നൽകിയിട്ടും പ്രശ്നങ്ങൾ അവസാനിച്ചിട്ടില്ല. 11ാം വാർഡിൽ മത്സരിച്ച് കോൺഗ്രസ് റെബൽ സ്ഥാനാർഥിയോട് പരാജയപ്പെട്ട മുൻ പ്രസിഡൻറ്​ ജോസ് തോമസും ചില കോൺഗ്രസ് നേതാക്കൾക്കെതിരെ നേതൃത്വത്തിന് പരാതി നൽകിയിട്ടുണ്ട്. റെബൽ സ്ഥാനാർഥിയെ മത്സരിപ്പിച്ചത് പാർട്ടിയിലെ ചിലരാണെന്നാണ് ജോസ് തോമസി​ൻെറ പരാതി. CAPTION-ഫോ​േട്ടാ ക്യാപ്​ഷൻ TDL KGOF BSNL DHARNA TDPA പെട്രോൾ-ഡീസൽ വിലവർധനയിൽ പ്രതിഷേധിച്ച് കെ.ജി.ഒ.എഫ്​ നേതൃത്വത്തിൽ തൊടുപുഴ ബി.എസ്​.എൻ.എൽ പടിക്കൽ നടന്ന ധർണ എ.​െഎ.ടി.യു.സി ജില്ല ട്രഷറർ പി.പി. ജോയി ഉദ്​ഘാടനം ചെയ്യുന്നു താൽക്കാലിക നിയമനം മുട്ടം: സർക്കാർ പോളിടെക്നിക് കോളജിന്​ കീഴിൽ തൊടുപുഴയിൽ പ്രവർത്തിക്കുന്ന ജി.ഐ.എഫ്.ഡി സൻെററിൽ എഫ്.ഡി.ജി.ടിയുടെ പുതിയ കരിക്കുലം പ്രകാരം ഉൾപ്പെടുത്തിയ ഇംഗ്ലീഷ്​ വർക്പ്ലേസ്​ സ്​കിൽസ്​ മൂന്ന്​ ഫസ്​റ്റ്​ ഇയർ ആൻഡ്​ സെക്കൻഡ്​ ഇയർ ക്ലാസ്​ നടത്താൻ ദിവസ വേതനാടിസ്ഥാനത്തിൽ താൽക്കാലിക നിയമനം നടത്തുന്നതിനായി ഡിസംബർ 30ന്​ രാവിലെ 10ന്​ മുട്ടം സർക്കാർ പോളിടെക്നിക് കോളജിൽ ഇൻറർവ്യൂ നടത്തും. ബന്ധപ്പെട്ട വിഷയത്തിൽ പോസ്​റ്റ്​ ഗ്രാജ്വേറ്റും സെറ്റുമാണ് വിദ്യാഭ്യാസ യോഗ്യത. താൽപര്യമുള്ള ഉദ്യോഗാർഥികൾ അസ്സൽ സർട്ടിഫിക്കറ്റും മാർക്ക് ലിസ്​റ്റും അവയുടെ ഒരു പകർപ്പും ബയോഡേറ്റയും സഹിതം കോവിഡ് മാനദണ്ഡം പാലിച്ച്​ നേരിട്ട് ഹാജരാകണം.