രാജ്യത്തെ പ്രധാന തുറമുഖങ്ങളിൽ ഇനി ഇന്ത്യൻ ടഗ്ഗുകൾ മാത്രം

പ്രധാന തുറമുഖങ്ങളിൽ ഇനി ഇന്ത്യൻ ടഗ്ഗുകൾ മാത്രം മട്ടാഞ്ചേരി: രാജ്യത്തെ മേജർ തുറമുഖങ്ങളിൽ ഇനി ഇന്ത്യൻ നിർമിത ടഗ്ഗുകൾ മാത്രം. ആത്മനിർഭർ ഭാരത് എന്ന സന്ദേശവുമായാണ് കേന്ദ്ര ഷിപ്പിങ് മന്ത്രാലയം പുതിയ നിർദേശങ്ങൾ നൽകിയത്. മേക്ക്​ ഇൻ ഇന്ത്യ പദ്ധതിപ്രകാരം ഇന്ത്യയിലെ കപ്പൽ നിർമാണ മേഖലക്ക്​ പ്രോത്സാഹന ലക്ഷ്യവുമായാണ് പുതിയ നീക്കം. കൊച്ചിയടക്കമുള്ള 13 മേജർ തുറമുഖങ്ങളിൽ പുതിയ നിർദേശങ്ങൾ നടപ്പാക്കുന്നതോടെ ഇന്ത്യയിലെ കപ്പൽ നിർമാണശാലകൾ കൂടുതൽ സജീവമാകും. ഇന്ത്യൻ പോർട്ട്​സ്​ അസോസിയേഷൻ എം.ഡി, ഷിപ്പിങ് കോർപറേഷൻ ഓഫ് ഇന്ത്യ, ഷിപ്പിങ് ഡയറക്ടർ ജനറൽ, ഷിപ്പിങ് രജിസ​്​ട്രാർ, കൊച്ചി കപ്പൽശാല എന്നിവയുടെ പ്രതിനിധികളടങ്ങുന്ന സ്​റ്റാൻഡേർഡ് സ്പെസിഫിക്കേഷൻ കമ്മിറ്റിയും രൂപവത്​കരിച്ചിട്ടുണ്ട്. ടഗ്ഗുകളുടെ നിർമാണ, ഗുണനിലവാര നിരീക്ഷണം എന്നിവ കമ്മിറ്റി വിലയിരുത്തും. കേന്ദ്രസർക്കാറി​ൻെറ പുതിയ നീക്കം രാജ്യത്തെ കപ്പൽനിർമാണ മേഖലക്ക്​ കരുത്തേകുമെന്നാണ് വിലയിരുത്തുന്നത്. EKG MATTA-KOCHI TUGG കൊച്ചി തുറമുഖത്തെ ടഗ്ഗുകളിലൊന്ന്