രഹ്​ന ഫാത്തിമ കീഴടങ്ങി

കൊച്ചി: നഗ്​ന ശരീരത്തിൽ പ്രായപൂർത്തിയാകാത്ത മകനെക്കൊണ്ട് ചിത്രം വരപ്പിക്കുകയും വിഡിയോ സമൂഹമാധ്യമങ്ങളിൽ പ്രചരിപ്പിക്കുകയും ചെയ്ത കേസിൽ . ഹൈകോടതിയും സുപ്രീംകോടതിയും മുന്‍കൂര്‍ ജാമ്യാപേക്ഷ തള്ളിയതിന് പിന്നാലെയാണ് എറണാകുളം സൗത്ത് പൊലീസ് സ്​റ്റേഷനിലെത്തി കീഴടങ്ങിയത്. പോക്‌സോ, ഐ.ടി ആക്ട്, ജുവനൈൽ ജസ്​റ്റിസ് ആക്ട് എന്നിവ പ്രകാരമാണ് കേസെടുത്തിരിക്കുന്നത്. അറസ്​റ്റ്​ രേഖപ്പെടുത്തി എറണാകുളം ജനറൽ ആശുപത്രിയിൽ മെഡിക്കൽ പരിശോധന നടത്തി. വിഡിയോ കോണ്‍ഫറന്‍സിലൂടെ മജിസ്‌ട്രേറ്റിന് മുന്നില്‍ ഹാജരാക്കി റിമാന്‍ഡ് ചെയ്തു. കോവിഡ് ഫലം വരുന്നതുവരെ കുറ്റവാളികൾക്കുള്ള തൃശൂരിലെ നിരീക്ഷണ കേന്ദ്രത്തില്‍ താമസിപ്പിക്കും. ഫലം നെഗറ്റിവെങ്കില്‍ ജില്ല ജയിലിലേക്ക് മാറ്റും. ചിത്രം വരച്ചതിൻെറ ദൃശ്യങ്ങള്‍ രഹ്​ന യു ട്യൂബ് ചാനലിലൂടെ പ്രദര്‍ശിപ്പിച്ചതിന്​ എറണാകുളം സൗത്ത് പൊലീസ് ജാമ്യമില്ലാ വകുപ്പ് പ്രകാരമാണ്​ കേസെടുത്തത്​. നിയമനടപടികളോട് സഹകരിക്കുമെന്ന് ഫേസ്ബുക്ക് പോസ്​റ്റ്​ ഇട്ട ശേഷമാണ് കീഴടങ്ങാനെത്തിയത്.