പൊലീസുകാരന് കോവിഡ്: വാഴക്കുളം സ്​റ്റേഷന്‍ അടച്ചു

മൂവാറ്റുപുഴ: പൊലീസുകാരന് കോവിഡ് 19 സ്ഥിരീകരിച്ചതിനെത്തുടർന്ന് വാഴക്കുളം പൊലീസ് സ്​റ്റേഷന്‍ അടച്ചു. തൊടുപുഴ സ്വദേശിയായ പൊലീസ് ഉദ്യോഗസ്ഥനാണ് കോവിഡ് സ്ഥിരീകരിച്ചത്. ഇദ്ദേഹത്തോടൊപ്പം പൊലീസ് സ്​റ്റേഷനിലുണ്ടായിരുന്ന 15 ​െപാലീസുകാരോട് സ്​റ്റേഷനിൽതന്നെ നിരീക്ഷണത്തിൽ കഴിയാൻ നിർദേശിച്ചിട്ടുണ്ട്. സ്​റ്റേഷനിൽ 33 പൊലീസ് ഉദ്യോഗസ്ഥരാണുള്ളത്. പൊലീസ് സ്​റ്റേഷ​ൻെറ സമീപപ്രദേശങ്ങളിലും നിയന്ത്രണങ്ങൾ ഏർപ്പെടുത്തിയിട്ടുണ്ട്. സ്​റ്റേഷനുപുറത്തുള്ളവർ വീടുകളിലോ മറ്റു നിശ്ചിതകേന്ദ്രങ്ങളിലോ നിരീക്ഷണത്തിൽ കഴിയണം. സ്​റ്റേഷനിലേക്ക് പൊതുജനങ്ങൾക്ക് പ്രവേശനമില്ല. പൊലീസ് ഉദ്യോഗസ്ഥന്​ രോഗം ബാധിച്ചതി​ൻെറ ഉറവിടം കണ്ടെത്താനായിട്ടില്ല. ഇദ്ദേഹം പെരുമ്പാവൂർ പൊലീസ് സ്​റ്റേഷനിലും ഭക്ഷണശാലയിലും പോയിരുന്നു. മഞ്ഞള്ളൂർ ആരോഗ്യകേന്ദ്രത്തിലെ ഉദ്യോഗസ്ഥർ ഉദ്യോഗസ്ഥ​ൻെറ സമ്പർക്കപ്പട്ടിക തയാറാക്കുകയാണ്. ഇതിനു ശേഷമായിരിക്കും കൂടുതൽ നിയന്ത്രണം ഏർപ്പെടുത്തുക. ഉദ്യോഗസ്ഥനുമായി സമ്പർക്കത്തിലായവർ നിരീക്ഷണത്തിൽ പോകണമെന്ന് ആരോഗ്യവിഭാഗം അറിയിച്ചു.