ഭൂമി പതിച്ചു നൽകിയതി​െൻറ ആവശ്യം കൈവശ സർട്ടിഫിക്കറ്റിൽ രേഖപ്പെടുത്തണമെന്ന്​ ഹൈകോടതി

ഭൂമി പതിച്ചു നൽകിയതി​ൻെറ ആവശ്യം കൈവശ സർട്ടിഫിക്കറ്റിൽ രേഖപ്പെടുത്തണമെന്ന്​ ഹൈകോടതി * റവന്യൂ അധികൃതർക്ക്​ നേരിട്ട്​ നിർദേശം നൽകണം കൊച്ചി: ഭൂമി പ്രത്യേക ആവശ്യത്തിന്​ പതിച്ചു​ നൽകിയതാണെങ്കിൽ കൈവശ സർട്ടിഫിക്കറ്റിൽ അക്കാര്യം രേഖപ്പെടുത്താൻ റവന്യൂ അധികൃതർക്ക്​ നേരിട്ട്​ നിർദേശം നൽകണമെന്ന്​ ഹൈകോടതി. നേരത്തേ നൽകിയ നിർദേശത്തിൽ സർക്കാർ ഉത്തരവ്​ ഉണ്ടാകാത്ത സാഹചര്യത്തിലാണ്​ ജസ്​റ്റിസ്​ എ. മുഹമ്മദ്​ മുഷ്​താഖി​ൻെറ ഉത്തരവ്​. കോടതി ഉത്തരവ് ഒരാഴ്ചയ്ക്കകം എല്ലാ റവന്യൂ അധികൃതർക്കും അയച്ച് കൊടുക്കാൻ റവന്യൂ പ്രിൻസിപ്പൽ സെക്രട്ടറിയോട്​ നിർദേശിച്ചു. കെട്ടിട നിർമാണ അപേക്ഷ തള്ളിയതിനെതിരെ ഇടുക്കി കൂമ്പൻപാറ സ്വദേശിനി മേരി ജോസഫ് അടക്കമുള്ളവർ സമർപ്പിച്ച ഹരജിയാണ്​ കോടതി പരിഗണിച്ചത്​. കൃഷിക്ക്​ പതിച്ച് നൽകിയതാണെങ്കിൽ അക്കാര്യം കൈവശ സർട്ടിഫിക്കറ്റിൽ രേഖ​പ്പെടുത്താൻ ഉത്തരവിടണമെന്നായിരുന്നു നേരത്തേ കോടതി നിർദേശിച്ചത്​. എന്നാൽ, ഉത്തരവ്​ പുറപ്പെടുവിക്കാ​ത്ത സർക്കാർ നടപടിയിൽ കോടതി അതൃപ്​തി രേഖപ്പെടുത്തി. ഭൂമിയുടെ ഉടമസ്ഥത സർക്കാറിനാണെന്നും പ്രത്യേക ആവശ്യത്തിനായി പതിച്ച് നൽകിയതാണെങ്കിൽ അതിനായി മാത്രമേ ഭൂമി ഉപയോഗിക്കുന്നുള്ളൂവെന്ന് ഉറപ്പുവരുത്താൻ സർക്കാറിന് ഉത്തരവാദിത്തമുണ്ടെന്നും കോടതി പറഞ്ഞു. എന്നാൽ, കൃഷി ആവശ്യത്തിന്​ നൽകിയ ഭൂമിയിലെ നിർമാണങ്ങൾ തടയാൻ സർക്കാറിന്​ ​ താൽപര്യമില്ലെന്നാണ്​ മനസ്സിലാകുന്നത്​. കെട്ടിട നിർമാണ നിയമം മാറ്റുന്നതിൽ കാലതാമസം നേരിട്ടാൽ മനസ്സിലാക്കാനാവും. എന്നാൽ, ഭൂമി ഏതാവശ്യത്തിന്​ നൽകിയതെന്ന കാര്യം ​ൈകവശ സർട്ടിഫിക്കറ്റിൽ രേഖപ്പെടുത്തുന്നത്​ നടപ്പാക്കാൻ വൈകുന്നതിന്​ ന്യായീകരണമില്ലെന്ന്​ കോടതി അഭിപ്രായപ്പെട്ടു.