കപ്പലിൽ അപകടം; ക്യാപ്റ്റനെ രക്ഷപ്പെടുത്തി

കൊച്ചി: കപ്പലിൽ അപകടം സംഭവിച്ച ക്യാപ്റ്റനെ നാവികസേന രക്ഷപ്പെടുത്തി. ബുധനാഴ്ച രാവിലെ 10.30ഓടെയാണ് സമുദ്രത്തിൽ വ്യാപാര കപ്പൽ എം.വി വിശ്വപ്രെർണയിൽ ക്യാപ്റ്റൻ അമൃത്​സർ സ്വദേശിയായ രാജ്പാൽ സിങ് സന്തുവിന് അപകടം സംഭവിച്ചതായി നേവി അധികൃതർക്ക് വിവരം ലഭിച്ചത്. ക്യാപ്റ്റ​ൻെറ കാലിന് ഗുരുതര പരിക്കേറ്റെന്നായിരുന്നു സന്ദേശം. ഉടൻ ഐ.എൻ.എസ് ഗരുഡയിൽനിന്ന്​ സീ കിങ് ഹെലികോപ്ടർ അവിടേക്ക് പുറപ്പെട്ടു. എറണാകുളം മെഡിക്കൽ ട്രസ്​റ്റ്​ ആശുപത്രിയിൽ പ്രവേശിപ്പിച്ചു.