കീഴ്മാട്, ചൂർണിക്കര, എടത്തല എന്നിവിടങ്ങളിൽ ഇളവില്ല -മന്ത്രി

ആലുവ: ആലുവ ലാർജ് ക്ലസ്​റ്ററിലെ കീഴ്മാട്, ചൂർണിക്കര, എടത്തല പഞ്ചായത്തുകളിൽ നിയന്ത്രണങ്ങളിൽ ഇളവില്ലെന്ന് മന്ത്രി വി.എസ്. സുനിൽകുമാർ. ആലുവ നഗരസഭ, ചെങ്ങമനാട്, കടുങ്ങല്ലൂർ, കരുമാല്ലൂർ, ആലങ്ങാട് പഞ്ചായത്തുകളിലാണ് ഭാഗികമായി ഇളവ്​ അനുവദിക്കുന്നത്. ആലുവ നഗരസഭയിലെ 26 വാർഡിൽ 18 എണ്ണവും കണ്ടെയ്ൻമൻെറ്​ സോണിൽനിന്ന്​ ഒഴിവാക്കി. ഊമൻകുഴിത്തടം (11), മുനിസിപ്പൽ ഓഫിസ് (12), മദ്​റസ (13), ആശാൻ കോളനി (14), ട്രഷറി (15), പ്രിയദർശിനി (24), കനാൽ (25), 26 വാർഡുകളാണ് കണ്ടെയ്ൻമൻെറ്​ സോണിൽ തുടരുന്നത്. ചൊവ്വാഴ്ച മുതൽ ഇളവുകൾ പ്രാബല്യത്തിൽ വരുമെന്ന് അറിയിച്ചിരുന്നെങ്കിലും ആശയക്കുഴപ്പം കാരണം വ്യാപാര സ്ഥാപനങ്ങളൊന്നും തുറന്നില്ല.