കെ.എസ്.ആർ.ടി.സി ഡിപ്പോ പരിസരം വൃത്തിയാക്കി

മൂന്നാർ: നാഷനൽ സർവിസ് സ്കീം സഹവാസ ക്യാമ്പിന്‍റെ ഭാഗമായി ശുചീകരണം നടത്തി. മൂന്നാർ വൊക്കേഷനൽ ഹയർ സെക്കൻഡറി സ്കൂളിലെ എൻ.എസ്.എസ് വളന്റിയർമാരാണ്​ കെ.എസ്.ആർ.ടി.സി ഡിപ്പോയുടെ പരിസരം ശുചീകരിച്ചത്. മേഖലയിലെ മാലിന്യം തരംതിരിച്ച് ശേഖരിച്ചു. മൂന്നാർ ഗ്രാമപഞ്ചായത്ത് വൈസ് പ്രസിഡന്റ് എം. രാജേന്ദ്രൻ പരിപാടി ഉദ്ഘാടനം ചെയ്തു. ഹിൽഡാരി സംഘടന പ്രവർത്തകർ തരംതിരിക്കലിന് പരിശീലനം നൽകി. എൻ.എസ്.എസ് കോഓഡിനേറ്റർ ധന്യ നായർ നേതൃത്വം നൽകി. ചിത്രം 1 എൻ.എസ്.എസ് വളന്റിയർമാർ കെ.എസ്.ആർ.ടി.സി ഡിപ്പോയുടെ പരിസരം വൃത്തിയാക്കുന്നു