വനം വകുപ്പിന്‍റെ ജണ്ട പൊളിച്ച സംഭവം: പ്രതി പിടിയിൽ

കുളമാവ്: വനഭൂമിയിലെ ജണ്ട പൊളിച്ച സംഭവത്തിൽ പ്രതി പിടിയിൽ. കുളമാവ് പോത്തുമറ്റം കണിയാംപറമ്പിൽ സണ്ണിയെയാണ്​ (67) വനം വകുപ്പ് അറസ്റ്റ് ചെയ്തത്. സ്വകാര്യ വ്യക്തികളുടെയും വനഭൂമിയുടെയും അതിർത്തി തിരിക്കുന്ന ജണ്ട പൊളിച്ച സംഭവത്തിലാണ് അറസ്റ്റ്. ഡെപ്യൂട്ടി റേഞ്ച്​ ഫോറസ്റ്റ് ഓഫിസർ ഇൻ ചാർജ് പി.കെ. സലിം, ഫോറസ്റ്റ് ബീറ്റ് ഓഫിസർമാരായ ബിനോജ് ജോസ്, പി.ആർ. അരുൺ, പി.എ. കബീർ, വി.സി. സന്ദീപ് എന്നിവർ ചേർന്നാണ് പ്രതിയെ അറസ്റ്റ് ചെയ്തത്. മുട്ടം കോടതിയിൽ ഹാജരാക്കി.