കാട്ടാനക്കൂട്ടം കൃഷി നശിപ്പിച്ചു

മറയൂർ: കാരയൂർ ചന്ദന റിസർവിന് സമീപം കൃഷിയിടത്തിൽ ഇറങ്ങിയ കാട്ടാനക്കൂട്ടം വ്യാപകമായി കൃഷി നശിപ്പിച്ചു. രാത്രി കൃഷിത്തോട്ടത്തിൽ ഇറങ്ങിയ അഞ്ച്​ ആനകൾ സുരേഷ്, ഹരിദാസ്, ഫൽഗുണൻ, ബോസ് എന്നിവരുടെ കവുങ്ങ്​, വാഴ, തെങ്ങ് ഉൾപ്പെടെയാണ്​ പൂർണമായും നശിപ്പിച്ചത്. രാവിലെ ആറോടെയാണ് വനത്തിലേക്ക് മടങ്ങിയത്. കാരയൂർ മുതൽ പടിമ്പിവരെ വനം വകുപ്പ് മൂന്നുവർഷം മുമ്പ എട്ട്​ ലക്ഷം രൂപ ചെലവിൽ സൗരോർജ വേലി നിർമിച്ചെങ്കിലും മാസങ്ങൾക്കുള്ളിൽ തകരാറിലായി. അശാസ്ത്രീയ നിർമാണവും പരിപാലനം ഇല്ലാത്തതുമാണ് കാരണമെന്ന്​ പ്രദേശവാസികൾ പറയുന്നു. കാട്ടാനശല്യം തടഞ്ഞില്ലെങ്കിൽ സമരം നടത്താനാണ്​ കർഷകരുടെ തീരുമാനം. TDL Marayoor മറയൂർ കാരയൂരിൽ കാട്ടാനക്കൂട്ടം നശിപ്പിച്ച കൃഷിത്തോട്ടം