റോഡിലെ കുഴിയടച്ച് ഡി.വൈ.എഫ്.ഐ പ്രവർത്തകർ

മൂലമറ്റം: മൂലമറ്റം പ്രൈവറ്റ് ബസ് സ്റ്റാൻഡിന്​ മുൻവശം രൂപപ്പെട്ട . വർഷങ്ങളായി. നാട്ടുകാർ ആവശ്യപ്പെട്ടിട്ടും കുഴിയടക്കാൻ നടപടിയായില്ല. ഇതിനിടെ കഴിഞ്ഞമാസം പൊതുമരാമത്ത് താൽക്കാലികമായി ഈ കുഴി അടച്ചെങ്കിലും ഒരാഴ്ചക്കുള്ളിൽ വീണ്ടും പഴയപടിയായി. ബൈക്ക് യാത്രികരും ചെറുവാഹനങ്ങളും കുഴിയിൽവീണ് തകരാറാകുന്നത്​ പതിവ് കാഴ്ചയാണ്. കുഴിയടകക്കാത്തതിൽ പ്രതിഷേധിച്ച് പാതാളക്കുഴിയിൽനിന്ന്​ മാവേലി എത്തുന്ന പ്രതീകാത്മക സമരം ബി.ജെ.പി പ്രഖ്യാപിച്ചിരുന്നു. എന്നാൽ, അതിന് മുമ്പുതന്നെ ഡി.വൈ.എഫ്.ഐ പ്രവർത്തകർ കുഴിയടച്ചു. ഞായറാഴ്ച ഉച്ചക്ക് 12നാണ്​ ബി.ജെ.പി സമരം പ്രഖ്യാപിച്ചിരുന്നത്. എന്നാൽ, 11 മണിക്കുതന്നെ ഡി.വൈ.എഫ്‌.ഐ പ്രവർത്തകരെത്തി കുഴികളിൽ മണൽചാക്ക് അട്ടിയിട്ട് കുഴികളടച്ചു.