വെള്ളം കയറി കൃഷി നശിച്ചു

അറക്കുളം: കനത്ത മഴയിൽ അറക്കുളം വെള്ളിയാമറ്റം പ്രദേശത്തെ നിരവധി കർഷകരുടെ കൃഷി വെള്ളം കയറി നശിച്ചു. അറക്കുളം ആട്ടപ്പാട്ട് സജി, കോട്ടൂർ രവി, കുളമാക്കൽ ജോമോൻ, കുഴിത്താലി ബേബിച്ചൻ, മൈലാടൂർ ലില്ലി, തേക്കുംകാട്ടിൽ ബേബി എന്നിവരുടെ 10 ഏക്കറോളം വരുന്ന കൃഷിഭൂമിയാണ്​ നശിച്ചത്​. ഇതിൽ നാല്​ ഏക്കറോളം നെൽകൃഷി മാത്രമാണ്. തോടുകൾ കവിഞ്ഞൊഴുകിയതാണ് കൃഷി നാശത്തിന് കാരണം.