ഓഫിസ് ആക്രമിച്ചത് പ്രതിഷേധാർഹം -പി.ജെ. ജോസഫ്

തൊടുപുഴ: രാഹുൽ ഗാന്ധിയുടെ കൽപ്പറ്റയിലെ ഓഫിസ് ആക്രമിച്ചത് പ്രതിഷേധാർഹമെന്ന് കേരള കോൺഗ്രസ് ചെയർമാൻ പി.ജെ. ജോസഫ്. പരിസ്ഥിതിലോല മേഖലയുമായി ബന്ധപ്പെട്ട വിഷയത്തിൽ സംസ്ഥാന സർക്കാറിനുണ്ടായ വീഴ്ച മറച്ചുവെക്കാനുള്ള ശ്രമമാണ് നടക്കുന്നതെന്നും പി.ജെ. ജോസഫ് പറഞ്ഞു. വൈദ്യുതി പ്രതിസന്ധി: വ്യാപാരികൾ പ്രക്ഷോഭത്തിലേക്ക് വണ്ണപ്പുറം: പഞ്ചായത്തിൽ വൈദ്യുതി മുടക്കം പതിവായതോടെ വ്യാപാരികൾ പ്രക്ഷോഭത്തിലേക്ക്. ദിനംപ്രതിയുള്ള വൈദ്യുതി മുടക്കം വ്യാപാര സ്ഥാപനങ്ങളെയും സർക്കാർ ഓഫിസുകളെയും കടുത്ത പ്രതിസന്ധിയിലാക്കുകയാണ്​. ജനങ്ങൾ ദൂരസ്ഥലങ്ങളിൽനിന്ന്​ സർക്കാർ ഓഫിസുകളിൽ എത്തുമ്പോൾ വൈദ്യുതി ഇല്ലാത്തതിന്റെ പേരിൽ പല സർട്ടിഫിക്കറ്റുകളും കിട്ടാൻ വൈകുന്നു. കെ.എസ്.ഇ.ബി ഓഫിസിലെത്തിയാൽ ഉദ്യോഗസ്ഥരുടെ അലംഭാവവും ധിക്കാരപരമായ സമീപനവുമാണ് ഉണ്ടാകുന്നതെന്ന്​ വ്യാപാരികൾ പറഞ്ഞു. വിഷയ അടിയന്തരമായി പരിഹരിക്കാത്ത പക്ഷം ശക്തമായ പ്രക്ഷോഭവുമായി മുന്നിട്ടിറങ്ങുമെന്ന് വ്യാപാരി വ്യവസായി, മർച്ചന്റ്സ്​ അസോസിയേഷൻ ഭാരവാഹികളായ ബാബു ജെയിംസ് കുന്നത്തുശ്ശേരിയിൽ, പി.എ. രാജേഷ്, കെ.എച്ച്. നൗഷാദ് എന്നിവർ അറിയിച്ചു.