ബഫര്‍സോൺ: മുസ്‌ലിംലീഗ് പ്രക്ഷോഭത്തിന്​

തൊടുപുഴ: ബഫര്‍സോണ്‍ പ്രഖ്യാപനത്തിനെതിരെ നിലപാട് സ്വീകരിക്കുകയോ നിയമനടപടി ആരംഭിക്കുകയോ ചെയ്യാത്ത സംസ്ഥാന സര്‍ക്കാര്‍ ജില്ലയിലെ ജനങ്ങളെ വെല്ലുവിളിക്കുകയാണെന്ന് മുസ്​ലിംലീഗ് ജില്ല കമ്മിറ്റി. ബഫര്‍ സോണ്‍ പ്രഖ്യാപനത്തിനും നിർമാണ നിരോധനത്തിനുമെതിരെ ഭൂപതിവ് ചട്ടങ്ങള്‍ ഭേദഗതി ചെയ്യണമെന്ന​ ആവശ്യപ്പെട്ടും ലീഗ് ജില്ല കമ്മിറ്റി പ്രക്ഷോഭം ആരംഭിക്കും. സമരത്തിന്‍റെ ആദ്യഘട്ടമെന്ന നിലയില്‍ ജൂലൈ രണ്ടിന് കട്ടപ്പനയില്‍ യൂത്ത് ലീഗ് പ്രതിഷേധധര്‍ണ നടത്തും. പ്രവാചകനെ നിന്ദിച്ച്​ വര്‍ഗീയ ചേരിതിരിവിന് ശ്രമിക്കുന്ന സംഘ്​പരിവാറിന്‍റെ ശ്രമങ്ങള്‍ വെല്ലുവിളിയാണെന്ന് യോഗം വിലയിരുത്തി. ജില്ല പ്രസിഡന്റ് എം.എസ്. മുഹമ്മദ് അധ്യക്ഷതവഹിച്ചു. സംസ്ഥാന സെക്രട്ടറി ടി.എം. സലീം ഉദ്ഘാടനം ചെയ്തു. സംസ്ഥാന സെക്രട്ടേറിയറ്റ്​ അംഗം കെ.എം.എ. ഷുക്കൂര്‍, പി.എം. അബ്ബാസ്, കെ.എസ്. സിയാദ്, എസ്.എം. ഷരീഫ്, പി.എസ്. അബ്ദുൽ ജബ്ബാര്‍, അഡ്വ. ഇ.എസ്. മൂസ, സലിം കൈപ്പാടം, ടി.എസ്. ഷംസുദ്ദീൻ തുടങ്ങിയവർ സംസാരിച്ചു. വ്യാപാരി സമിതി കൺവെന്‍ഷന്‍ ചെറുതോണി: വ്യാപാരി വ്യവസായി സമിതി ഏരിയ കണ്‍വെന്‍ഷന്‍ ചെറുതോണിയില്‍ നടന്നു. ജില്ല സെക്രട്ടറി കെ.ആര്‍. സജീവ് ഉദ്ഘാടനം ചെയ്തു. പ്രസിഡന്‍റായി സാജന്‍ കുന്നേലിനെയും സെക്രട്ടറിയായി എന്‍.എസ്. ബിനുവിനെയും തെരഞ്ഞെടുത്തു. ജോസ് വര്‍ഗീസ്, റീന കുര്യാച്ചന്‍, സി.വി. സുബ്രമണ്യന്‍ തുടങ്ങിയവര്‍ പങ്കെടുത്തു.