മിന്നും വിജയം നേടി ആസിഫ് ഉമ്മർ

​തൊടുപുഴ: പ്ലസ് ടു പരീക്ഷയിൽ മുഴുവൻ വിഷയത്തിനും എ പ്ലസ് നേടി ഭിന്നശേഷിക്കാരനായ ആസിഫ് ഉമ്മർ. സെന്‍റ്​ ജോർജ്​ എച്ച്​.എസ്​.എസ്​ കല്ലാനിക്കൽ സ്കൂളിൽനിന്നാണ്​ മികച്ച വിജയം നേടിയത്​. ആസിഫിന്​ രാഷ്ട്രപതിയുടെ റിപ്പബ്ലിക് ദിന പരേഡിൽ ക്ഷണം ലഭിച്ച്​ പങ്കെടുത്തിട്ടുണ്ട്. മികച്ചൊരു കലാകാരൻ കൂടിയായ ആസിഫ്​ ചാനൽ പരിപാടിയിലും പങ്കെടുത്തിട്ടുണ്ട്. പരിമിതികളെ അതിജീവിക്കുന്ന ഈ കൊച്ചുമിടുക്കന്‍റെ ലക്ഷ്യം സിവിൽ സർവിസാണ്​. ഇടവെട്ടി മാര്‍ത്തോമയിൽ താമസിക്കുന്ന ടാപ്പിങ്​ തൊഴിലാളിയായ ഉമ്മര്‍- ഹാബിദ ദമ്പതികളുടെ മൂത്ത മകനാണ് ആസിഫ്. TDL ASIF UMMAR ആസിഫ്​ ഉമ്മർ