കംഫര്‍‌ട്ട്​ സ്റ്റേഷന്‍ തുറക്കാത്തതില്‍ പ്രതിഷേധം

അടിമാലി: വിനോദസഞ്ചാരികൾക്കും വാഹന യാത്രക്കാർക്കും പ്രാഥമികാവശ്യങ്ങൾ നിർവഹിക്കാൻ പത്താംമൈലിൽ നിർമിച്ച പൊതു കംഫർട്ട്​ ‌സ്റ്റേഷൻ തുറന്ന് നൽകാത്തതിൽ പ്രതിഷേധം. ലക്ഷങ്ങൾ മുടക്കി അടിമാലി ബ്ലോക്ക് പഞ്ചായത്താണ് ഇത്​ നിർമിച്ചത്. വെള്ളമില്ലാത്തതാണ് തുറക്കാൻ തടസ്സമെന്നാണ് അറിയിച്ചിരുന്നത്. കഴിഞ്ഞ സാമ്പത്തിക വർഷം കുഴൽക്കിണർ നിർമിക്കാൻ ഫണ്ട്​ അനുവദിച്ചെന്നും ഉടൻ പ്രവർത്തനം തുടങ്ങുമെന്നും അറിയിച്ചെങ്കിലും നടപടിയുണ്ടായില്ല. വിനോദസഞ്ചാരികൾ ധാരളം ഇതുവഴി പോകുന്നതും പ്രഥമികാവശ്യങ്ങൾ നിർവഹിക്കാൻ സൗകര്യമില്ലാത്തതും മുൻനിർത്തിയാണ് കൊച്ചി-ധനുഷ്‌കോടി ദേശീയപാതയോരത്ത്​ കംഫർട്ട്​ ‌സ്റ്റേഷൻ നിർമിക്കാൻ ബ്ലോക്ക് പഞ്ചായത്ത് തീരുമാനിച്ചത്. ഇവിടെനിന്ന്​ 100 മീറ്റർ മാറി അടിമാലി ഗ്രാമപഞ്ചായത്ത് വർഷങ്ങൾക്ക്​ മുമ്പ്​ കംഫർട്ട്​ ‌സ്റ്റേഷൻ നിർമിച്ചെങ്കിലും തുറന്ന്​ നൽകാതെ ഉപേക്ഷിക്കുകയായിരുന്നു. idl adi 3 toilet ചിത്രം.. പത്താംമൈലിൽ ബ്ലോക്ക് പഞ്ചായത്ത് നിർമിച്ച കംഫര്‍‌ട്ട്​ സ്റ്റേഷൻ