ഇരുചക്രവാഹനം മോഷ്ടിച്ച് തമിഴ്നാട്ടിലേക്ക് കടത്തി

കുമളി: ടൗണിലെ വ്യാപാര സ്ഥാപനത്തിന്​ മുന്നിൽ നിർത്തിയിരുന്ന ഇരുചക്രവാഹനം പട്ടാപ്പകൽ മോഷ്ടിച്ച് തമിഴ്നാട്ടിലേക്ക് കടത്തി. കുമളി ടൗണിൽ സെൻട്രൽ ജങ്​ഷന്​ സമീപം ശനിയാഴ്ച വൈകീട്ട് അഞ്ചോടെയാണ് സംഭവം. മുരുക്കടി സ്വദേശി രാജേഷിന്‍റെ ഇരുചക്രവാഹനമാണ് മോഷ്ടിച്ചു കടത്തിയത്. ടൗണിൽ മൂന്നാർ റോഡരികിലെ വളക്കടക്ക്​ സമീപം നിർത്തിയിരുന്ന വാഹനമാണ് മോഷ്ടിച്ചത്. പൊലീസ് നടത്തിയ അന്വേഷണത്തിൽ ഇരുചക്ര വാഹനവുമായി പോകുന്ന യുവാവിന്‍റെ ദൃശ്യങ്ങൾ കണ്ടെത്തി. പ്രതിയെ പിടികൂടാൻ തമിഴ്നാട് പൊലീസിന്‍റെ സഹായവും അധികൃതർ തേടി.