മെഗാ സംഗീത സന്ധ്യ ഇന്ന്​

തൊടുപുഴ: ഉപാസന കലാസാംസ്‌കാരിക കേന്ദ്രത്തിൽ ഞായറാഴ്ച വൈകീട്ട്​ മൂന്നുമുതൽ 'ഉപാസന മെഗാ സംഗീതസന്ധ്യ' നടക്കും. സി.എം.ഐ സഭയുടെ വികാരി ജനറാൾ ഫാ. ജോസി താമരശ്ശേരി ഉദ്​ഘാടനം ചെയ്യും. ജ്യോതി നിവാസ് സുപ്പീരിയർ ഫാ.ജെയ്‌സൺ പോൾ പുറ്റനാൽ അധ്യക്ഷത വഹിക്കും. സംഗീത സംവിധായകനും പിന്നണി ഗായകനുമായ കെ.എൽ. ആന്‍റണി മുഖ്യാതിഥി ആയിരിക്കും. തുടർന്ന് മെഗാ സംഗീതസന്ധ്യ. പഠനോപകരണ വിതരണം ആലക്കോട്: പഞ്ചായത്തിലെ വിശ്വകർമ സർവിസ് സൊസൈറ്റി കുട്ടികൾക്കായി പഠനോപകരണങ്ങൾ വിതരണം ചെയ്തു. ആലക്കോട് പഞ്ചായത്ത് ക്ഷേമകാര്യ സ്ഥിരം സമിതി അധ്യക്ഷൻ ലിഗിൽ ജോ ഉദ്ഘാടനം ചെയ്തു. ശാഖാ പ്രസിഡന്‍റ്​ ഷാജി പി.എസ്​, സെക്രട്ടറി ഷീജ സജി, ട്രഷറർ കെ. കെ. മണി, മുൻ പ്രസിഡന്‍റ്​ തങ്കമണി പരമേശ്വരൻ എന്നിവർ യോഗത്തിൽ പങ്കെടുത്തു.