ഓട്ടോറിക്ഷയിൽ സഞ്ചരിച്ച് മദ്യവിൽപന; ഒരാൾ പിടിയിൽ

കരിമണ്ണൂർ: ഹർത്താൽ ദിനത്തിൽ ഓട്ടോറിക്ഷയിൽ സഞ്ചരിച്ച് വിദേശമദ്യം വിൽപന നടത്തിയ കേസിൽ ഒരാളെ കരിമണ്ണൂർ പൊലീസ് അറസ്റ്റ് ചെയ്തു. രഹസ്യവിവരത്തെ തുടർന്ന് നടത്തിയ പരിശോധനയിൽ കരിമണ്ണൂർ പന്നൂർ ഭാഗത്ത് ഇളംബ്ലാശ്ശേരിൽ സജീവാണ്​ (50) പൊലീസ് പിടിയിലായത്. ഇയാളിൽനിന്ന്​ വിൽപനക്ക്​ സൂക്ഷിച്ച ഒരു ലിറ്റർ വിദേശമദ്യം കണ്ടെടുത്തു. കരിമണ്ണൂർ പൊലീസ്​ സർക്കിൾ ഇൻസ്പെക്ടർ സുമേഷ് സുധാകർ, എസ്.ഐ പി.എച്ച്. ദിനേശ്, എ.എസ്.ഐമാരായ രാജേഷ്, സലിൽ, മുഹമ്മദ്, സി.പി.ഒമാരായ മാത്യു ബേബി, അബ്ദുൽ റസാഖ് എന്നിവരുടെ നേതൃത്വത്തിലാണ് പ്രതിയെ പിടികൂടിയത്.