കോലാനി ഹോമിയോ ആശുപത്രി കെട്ടിടം ഉദ്​ഘാടനം

തൊടുപുഴ: നഗരസഭ കോലാനി ഹോമിയോ ആശുപത്രിയുടെ പുതിയ കെട്ടിടം പൊതുജനങ്ങൾക്കായി തുറന്നുനൽകി. കേന്ദ്ര-സംസ്ഥാന ഫണ്ടുകൾ ചേർത്ത് പഴയ ആശുപത്രി കെട്ടിടത്തിനോട് ചേർന്നാണ്​ പുതിയത്​ പൂർത്തീകരിച്ചത്. ഒ.പി, ഫാർമസി, ഒബ്സർവേഷൻ റൂം, ഐസൊലേഷൻ റൂം, സ്റ്റോർ റൂം എന്നീ സൗകര്യം ഒരുക്കിയിട്ടുണ്ട്​. അഗംപരിമിതർക്ക് പ്രവേശിക്കുന്നതിന് റാംപ്​ സൗകര്യവും ഒരുക്കിയിട്ടുണ്ട്​. രണ്ടാംനിലയിൽ കോൺഫറൻസ്​ ഹാളും നിർമിച്ചിട്ടുണ്ട്​. നഗരസഭ ആരോഗ്യകാര്യ സ്റ്റാൻഡിങ്​ കമ്മിറ്റി ചെയർമാൻ എം.എ. കരീം അധ്യക്ഷതവഹിച്ചു. നഗരസഭ ചെയർമാൻ സനീഷ് ജോർജ് ഉദ്​ഘാടനം ചെയ്തു. വൈസ്​ ചെയർപേഴ്സൻ ജെസി ജോണി മുഖ്യപ്രസംഗം നടത്തി. സ്ഥിരംസമിതി ചെയർമാൻമാരായ കെ. ദീപക്, ഷീജ ഷാഹുൽഹമീദ്, ബിന്ദു പത്മകുമാർ, ടി.എസ്​. രാജൻ​ തുടങ്ങിയവർ പങ്കെടുത്തു. വാർഡ് കൗൺസിലർ കവിത വേണു സ്വാഗതവും മെഡിക്കൽ ഓഫിസർ ഡോ. സൂര്യമോൾ നന്ദിയും പറഞ്ഞു. FOTO TDL HOMEO HOSPITAL നഗരസഭ കോലാനി ഹോമിയോ ആശുപത്രിയുടെ പുതിയ കെട്ടിടം നഗരസഭ ​ചെയർമാൻ സനീഷ്​ ജോർജ്​ ഉദ്​ഘാടനം ചെയ്യുന്നു ലൈഫ് ഭവനപദ്ധതി; കരട് പട്ടിക പ്രസിദ്ധീകരിച്ചു തൊടുപുഴ: നഗരസഭ ലൈഫ് മിഷൻ ഭവനപദ്ധതി ലൈഫ് 2020 പുതിയ അപേക്ഷകളുടെ കരട് ഗുണഭോക്​തൃ പട്ടിക പ്രസിദ്ധീകരിച്ചു. പട്ടിക നഗരസഭ ഓഫിസിൽ പരിശോധനക്ക്​ ലഭ്യമാണ്. കരട് പട്ടികയിൽ അപ്പീലുകളും ആക്ഷേപങ്ങളും 17വരെ ഓൺലൈൻ മുഖാന്തരം സ്വീകരിക്കുമെന്ന്​ സെക്രട്ടറി അറിയിച്ചു.