സി.പി. മാത്യുവിന് മര്‍ദനമേറ്റ സംഭവം; അഞ്ച്​ ഡി.വൈ.എഫ്.ഐ പ്രവര്‍ത്തർ അറസ്റ്റില്‍

തൊടുപുഴ: ഡി.സി.സി പ്രസിഡന്‍റ്​ സി.പി. മാത്യുവിന് മര്‍ദനമേറ്റ സംഭവത്തില്‍ അഞ്ച്​ ഡി.വൈ.എഫ്.ഐ പ്രവര്‍ത്തകർ അറസ്റ്റിൽ. എം.എസ്. ശരത്, അജയ് ചെറിയാന്‍, അനന്ദു മോന്‍, ജയിന്‍ കെ.രാജ്, ശരത് ബാബു എന്നിവരെയാണ് അറസ്റ്റ്​ ചെയ്തത്​. പ്രതികളെ സ്റ്റേഷന്‍ ജാമ്യത്തില്‍ വിട്ടയച്ചു. സി.പി. മാത്യുവി‍ൻെറ മൊഴിയുടെ അടിസ്ഥാനത്തില്‍ ഇവര്‍ക്കെതിരെ കേസെടുത്തിരുന്നു. ഇവര്‍ക്ക് പുറമേ സംഭവുമായി ബന്ധപ്പെട്ട് 42 ഡി.വൈ.എഫ്.ഐ പ്രവര്‍ത്തകര്‍ക്കെതിരെയും പൊലീസ് കേസെടുത്തു. അതേസമയം, ചൊവ്വാഴ്​ച നടന്ന കോൺഗ്രസ്​ പ്രതിഷേധത്തിൽ മുഖ്യപ്രതികളായി എട്ടുപേർക്കെതിരെയും കണ്ടാലറിയാവുന്ന 200 പേർക്കെതിരെയും കേസെടുത്തതായി തൊടുപുഴ ഡിവൈ.എസ്​.പി പറഞ്ഞു.